کوردستانیان بە پێشەنگایەتی یەکێتی ژنانی کوردی سویسرا (یەژەکە-سە) کۆبوونەوە و خولەکێک بۆ ڕێزگرتن لە شەهیدانی تێکۆشانی ئازادی کوردستان بەڕێوەچوو.

لەسەر ناوی کۆمیتەی "ئازادی بۆ عەبدوڵا ئۆجالان، چارەسەر بۆ پرسی کورد" هاوسەرۆکی کۆنسەی کوردی دیموکراتیک (جەدەکە-سە)، سەلما سورەر قسەی کرد.

سورەر ئاماژەی کرد بە گۆشەگیری ئیمراڵی و ڕایگەیاند، بەم سیاسەتە دەخوازرێت ئیرادەی گەلی کورد بشکێنرێت، گوتی: "بە سەرکەوتنی هەڵمەتی ١٠ ی تشرینی یەکەم، ئەم سیاسەتە پووچەڵ دەکرێتەوە".

سورەر ڕایگەیاند، فیکری ڕێبەری گەلی کورد عەبدوڵا ئۆجالان گەیشتۆتە هەموو گەلانی جیهان، هێزە ئیمپریالیستەکان لەپێناو بەرژەوەندییەکانیان بێدەنگن بەرامبەر گۆشەگیری.

دووپاتی کردەوە، ژن و دایکانی کورد، گەلی کوردی هەر چوار پارچە لەدەوری پارادایمی ڕێبەرێتی درێژە بە تێکۆشان دەدەن. گوتی: "تا ئازادبوونی ڕێبەر ئاپۆ و ئازادی کورد و کوردستان، هەنگاوێک لە تێکۆشان پاشەکشە ناکەین. لە دەوری پارادایمی ڕێبەرێتی بە پێداگرییەوە درێژە بە تێکۆشان دەدەین".

پاشان پانکارتەکان بە زمانی ئەڵمانی بە نوسینی "ئازادی بۆ عەبدوڵا ئۆجالان، چارەسەر بۆ پرسی کورد" و "کوردستان بپارێزە" و پۆستەری ڕێبەری گەلی کورد عەبدوڵا ئۆجالان و درووشمی سڵاوکردن لە مانگرتن لە خواردنی زیندانەکان بەرزکرایەوە و ڕێپێوان دەستی پێ کرد.

ڕێپێوانەکە نزیکەی کاتژمێر و نیوێک بەردەوام بوو، لەسەر ناو کۆمیتەی چالاکی بە زمانی ئەڵمانی کۆنفرانسی ڕۆژنامەوانی گیرا و ڕاگەیاندراوی ڕێکخراوەکان خوێنرایەوە.