نوسەری میسری "ئیلهامی ملیجی" كە لەنێو گروپی عەرەب بۆ دەستپێشخەری ئازادی ئۆجالاندا جێگە دەگرێت بۆ ئاژانسی هاوار ئاخاوتووە و لەسەر پیلانگێڕی نێونەتەوەیی لەدژی رێبەری گەلی كورد "عەبدوڵڵا ئۆجالان" و ئازادیی جەستەیی ئۆجالان ئاخاوت.

لەبێدەنگكردنی ئۆجالاندا شكستیان هێنا

ملیجی سەرەنجی راكێشایە سەر هەوڵدانی بێدەنگ كردنی ئۆجالان و رایگەیاند؛ ١٠ وڵات بۆ بێدەنگكردنی رێبەری كوردان و سانسۆركردنی كاریگەری بەهێزی ناوبراو لەنێو گەلی كورددا، بەشداری ئەو پیلانگێڕییە بوون.

ملیجی راشیگەیاندوە؛ ١٠ وڵاتان پەكەكە لە كەسایەتی سەرۆك و دامەزرێنەری پەكەكەیان كردە ئامانج، بەڵام پەكەكە بەسایەی سیستەمەكەیەوە و ئەو ئەزموونەی لەرێبەرایەتیەكەیەوە وەریگرتبوو، خۆڕاگری نۆاند. هاوكات بنەمای پەكەكە بەرفراوانتر و هێزی تێكۆشانەكەشی زیاتر و بەرفراوانتر بوو. لەهەمانكاتدا پێشەنگانی پەكەكە هێز و ئیرادەی خۆیان لەهزری رێبەرایەتیەكەیان وەردەگرن، ئەو رێبەرەی كە دەستی لەئافرێنەری خۆی بەرنەداوە و سنوری زیندانی دوورگەی ئیمرالی تێپەڕ كردوە و خۆی گەیاندە گەلی كورد لەهەموو جێگە و شوێنێك.

دەبێت هەموو كەس بۆ ئۆجالان هەوڵ بدات

ملیجی دەستنیشانی كرد كە ئەو كێشە و نزیكبوونانەی لەبەرامبەر بەئۆجالان دەردەخرێنە  پێش، نەتەنیا بۆ گەلی كورد، بەڵكۆ دۆزی ئازادیخوازانە لەهەر شوێنێك بن و دەڵێت:"دۆزی مافی مرۆڤ و ژیانی بەروومەتە، دۆزی گەلێكە كە دەیانەوێت لەژێر چەقۆی داگیركەریدا رزگاریان ببێ و دۆزی گەلانە كە لەدژی كوێلایەتی و دەسەڵاتداری راپەڕیوون. لەبەر ئەوەش بۆ ئەوەی مافی رێبەر و رووناكبیر عەبدوڵڵا ئۆجالان و ئازادی و ژیان لەنێو بنەماڵەكەی و گەلی كورددا مسۆگەر ببێ، پێویستە هەموو ئازادیخوازانی جیهان هەوڵی خۆیان بخەنە گەڕ و تێكۆشان بكەن".

ئیلهامی ملیجی لەكۆتایی ئاخاوتنەكانیدا لەسەر گۆشەگیركردنی ئۆجالان لەلایەن بەرپرسانی توركەوە ئاخاوت و وتی؛ سەپاندن و بن پێ كردنی"مافی هیوا""مافی ژیان"، دیكتاتۆری رژێمی تورك و بێ رێزی لەبەرامبەر بەهەموو یاسا و یاسایەكی مافی مرۆڤ پێشڕاست دەكاتەوە.

ملیجی دەڵێتیش:پێویستە ئەو سیستەمە و كردەوەكانی لەهەموو دام و دەزگا نێونەتەوەیی و نێودەوڵەتیەكان و دەزگاكانی مافی مرۆڤدا ئاشكرا بكرێن.

ژ.ت