٢٥ پەرلەمانتاری عێراق بەمەبەستی لێکۆڵینەوە لە هەبوونی هێزە بیانییەکان لەسەر خاکی عێراق داواکارییەکیان پێشکەش بە سەرۆکی پەرلەمان کرد کە سێ خاڵی لەخۆ گرتووە.

خاڵی یەکەم تایبەتە بە ژمارەی هێزەکانی ئەمریکا و راوێکارەکانی. لە خاڵی دووەمیشدا داواکراوە لێکۆڵینەوە بکرێت لەبارەی هێزەکانی تورکیا لە موسڵ و هەرێمی کوردستان.

لە نوسراوەکەدا ئاماژە بە ٥ بارەگا و ٣٥ خاڵی سەربازی سوپای تورک لەسەر خاکی هەرێمی کوردستان کراوە.

خاڵی دیکەی نوسراوی پەرلەمانتارەکان تایبەتە بەو هێرشەی ئەم دواییەی ئێران بۆ سەر هەولێر، کە باس لە هەبوونی موساد دەکات و لەسەر ئەو بابەتە داوای لێکۆڵینەوە کراوە.

جێی باسە ئەمڕۆ لە ناوچەی برادۆست سوپای تورک چووەتە ناو ٤ گوند و هەڕەشەی لە گوندنشینان کردووە و ئەوەش پێشێلکردنی سەروەری خاکی عێراقە.

هـ . ب