ناوەندی بەڕێوەبەریی تەجەشە ڕاگەیاندراوێکی نوسراوی بڵاوکردەوە و ڕایگەیاند کۆبوونەوەی ئاسایی خۆیان ئەنجامداوە. تەجەشە لە ڕاگەیاندراوەکەیەدا بۆ سەفەربەریی بەرخۆدان بانگەوازی لە گەنجانی کرد.

تەجەشە تیشکی خستەسەر گورزی گەریلاکان لە دەوڵەتی تورک و ناڕەزایەتی دەربڕی بەرامبەر هێرشەکانی دەوڵەتی تورک بۆ سەر ڕۆژئاوا و باشوری کوردستان، سیستەمی ئەشکەنجەی ئیمراڵی کە ٢٥ ساڵە بەردەوامە، تیرۆرکردن لە باشوری کوردستان، دڕندەیی بێ هاوتا لە زیندانەکانی دەوڵەتی تورک، تاوانبارکردنی ڕێکخراوە سیاسی و چاندییەکانی کورد لە ئەوروپا.

لە ڕاگەیاندراوەکەدا گوتراوە: "بانگەواز لە هەموو گەنجانی کوردستان لە ئەوروپا دەکەین بکەونە سەفەربەریی بەرخۆدان. گەنجان فیدایی ڕێبەر ئاپۆن. بانگەواز لە هەموو گەنجانی کوردستان دەکەین لەدەوری ئەم سەفەربەریە یەکبگرن و تێکۆشان مەزن بکەن، ئەو ڕۆژە نزیکە تێیدا هەموو هێرشەکان تێکبشکێنین و سەرکەوتن بکەینە دیاری ڕێبەرێتی و گەلەکەمان".