رێبەری گەلی كورد عەبدوڵڵا ئۆجالان ماوەی ٢٣ ساڵە لەزیندانی تیپی ئیف لەژێر چاودێرییەكی ئەمنی تونددا لەئیمرالی لە هەلومەرجی  گۆشەگیری هەرە دژواردا راگیراوە. ئۆجالان لەم چواری نیسانەدا، تەمەنی دەبێتە ٧٣ ساڵ. بەبۆنەی لەدایكبوونی ئۆجالان بەدەستپێشخەری"مەد تۆهاد - فەد"ێ بەرەو گوندی ئامارە سەر بەناحیەی خەلفەتێ لەرۆحاوە رێپێوانێكمان بەرێوە برد. گەلی كورد لەسەر ئۆجالان دەڵێن: "ئیرادەی سیاسیی ئێمەیە" و وەكو رێبەری خۆیان قەبوڵی دەكەن لە گۆڕەپانی نەورۆزدا بۆ ئازادی ئۆجالان هاواریان كرد و جارێكیتر بەو داواكارییەوە ٧٣هەمین رۆژی لەدایكبوونی ئۆجالانیش پیرۆز دەكەن.

ژیانەوە

لەدیداری ٣ی نیسانی ساڵی ٢٠١٤دا لەگەڵ شاندنی ئیمرالیدا، ئۆجالان لەسەر داواكاری شاندەكە لەسەر رۆژی لەدایكبوونی خۆی و داوای ئازادیی گەلی كورد دەكات. ئۆجالان سەرەنجڕادەكێشێتە سەر گرنگیی پێناسەی گەلی كورد بۆ رۆژی بوونی ئەو كە وەكو"ژیانەوە"یەك دەیبینن و ئەم رۆژەش وەكو رۆژی ژیانەوەی خۆیان دەبینن. منیش بەمشێوەیە هەڵیدەسەنگێنم و سڵاوم ئاراستە دەكەم. لەم كاتەدا لەهەموو كاتێك زیاتر بنەمای ئاشتییەكی شکۆمەند بەگوێرەی قۆناخەكانی تر لەئارادایە. بۆ ئەم قۆناخە چی بكەوێتە ئەستۆی من، من شانمدایە بەر و كردوومە بەنیسبەت خۆمەوە. ئەوەی تریش كاروخەباتی گەل خۆیە و لەسەریەتی بیكا. پێویستە ژنان و گەنجان خۆیان بەرێكخستن بكەن بۆ خۆڵقاندنی ژیانێكی ئازاد هەم لەلایەن تیۆری و هەمیش پراتیكدا و هەمیش لەلایەن ئایدیۆلۆژی و چالاكییە و ووتەوە باشتر كار بكەن. ئێمە نامانەوێت تەنانەت یەك دڵۆپ خوێن واڵا واڵا بڕژێت. با هیچ كەسێك بەبێ هیچ هۆكارێك دڵی یەكتر نەشكێنن. هەروەها با هیچ كەسێك بەهۆكاری واڵا یەكتر هەڵنەخەڵەتێنن و نەكەونە هەڵوێستێكی وەهاوە.

پرسی كورد

ئۆجالان دەڵێت؛ دەبێت هەر كەس جددی نزیكی پرسی كورد ببێتەوە و وەها نرخاندن دەكات: "هەر كەس بیەوێت لەگەڵ ئێمەدا شەڕ بكات و ئەوەشی دەیەوێت ئاشتیش بكات دەبێت كەسێكی جددی بێت. من ئەمەشم بەدەوڵەت ووتووە. من بەوانیشم ووت كە ئێوە لەشەڕكردن لەگەڵ ئێمەشدا جددی نەبوون. دەبێت ئێوە لە تیۆری شەڕدا جددی بن، بەڵام ئێوە نەتانتوانی بەگوێرەی جۆگرافیای كوردستان هەڵسەوكەوت بكەن. بەرێبازی سەربازی ئێوە شكستان خوارد. من بەسەركەسەوە دیكتاتۆری ناكەم. هەم لە شەڕدا و هەمیش لە ئاشتیدا كەسێكی جددیم. بەدەر لەمە من تەنازۆل بۆ شتێكی تر ناكەم. تا ئەو كاتەی پرسی كورد و پرسی سوریا چارەسەر نەبێت، توركیا ناتوانێت تەنانەت هەناسەیەكی راحەت هەڵكێشێت".

داواكاریەك بۆ پەرلەمان

لەبەردەوامی ئاخاوتنەكانیدا ئۆجالان سەرنجڕادەكێشێتە سەر رۆڵی پەرلەمان لە چارەسەركردنی پرسی كورددا و دەڵێت: "لە كۆتاییدا بانگەوازی بۆ پەرلەمان دەبێتە سەرەتای قۆناخی دووهەمین لەم قۆناخەدا. چل ساڵە و تەنانەت سەیری ئەم سەد ساڵەی دوایی بکەن. داواكارییەكی وەها بكرێت. داوا دەكەم لەگەلەكەمان بۆ دەربازكردنی ئەم قۆناخە سەخت و دژوار و پێكدادانە، کە مرۆڤ دەتوانێت وەكو شەڕی ناوخۆش پێناسەی بكات، کۆتایی پێ بهێنن، بەشداری سیاسەتی دیموكراتیك ببن و ئەركی خۆتان جێبەجێ بكەن. مرۆڤ دەتوانێت بڕیارێكی وەها بدات. ئێدی كاری تر دەكەوێتە ئەستۆی ئێوەوە. بەم بانگەوازی ئێمە، قۆناخی دووهەمین دەست پێ دەكات. ئێدی لەم قۆناخەدا یاسا دەكەوێتە رۆژەڤەوە.

ئازادی گەل

رێبەری گەلی كورد عەبدوڵڵا ئۆجالان لەسەر كێشەی ئەندامانی شاندەكەش ئەم هەڵسەنگاندنانە دەكات: "بابەتی ئازادیی كەسی من؛ ئازادیی من پەیوەستە بەدیموكراسی بوونی توركیا و ئازادی گەلی كوردەوە. ئەگەر ئازادیی گەلەكەمان گەرەنتی ببێت، ئەو كاتە واتای زیندانیش نامێنێت. هیچ كاتێك من داواكاری ئازادی لە ئیمپریالیزم و دەوڵەت ناكەم. من نامەوێت بكەومە رەوشێكەوە داوای شتێك لەوانە بكەم. ئازادیی من پەیوەستە بەئازادی گەلەوە".

ژ.ت