یەکینەکانی تۆڵەسەندنەوەی شەهید سەماکۆچەر( KDBH )  لە ڕاگەیەنراوێکدا ئاشکرایانکرد کە لە ڕۆژی ١٨ی شوبات لە ناوچەی چووکوورۆڤا-ی ئەدەنە، لە دژی مینی پاسێکی هێزە تایبەتەکانی پۆلیسی تورک کە خەریکی ئاڵۆگۆڕکردنی هێزبوون، بە بۆمبی دەستی چالاکی ئەنجامدرا.

لە ڕاگەیەنراوەکەدا هاتووە، " لە ئەنجامی ئەوچالاکییەدا مینی پاسەکە هێزی تایبەتی پۆلیسی تێدابوو بەتەواوی تێکشکێندرا، بەڵام ژمارەی پۆلیسە کوژراو و بریندارەکان ئاشکرا نەبووە. دوای چالاکییەکە چەندین ئۆتۆمبیلی فریاکەوتن چوونە شوێنی چالاکییەکە. هەروەها هێزی پۆلیس ڕەوانەی شوێنەکەکرا."

لە راگەیەنراوەکەدا ڕاگەیەنرا کە ئەم چالاکییە بۆ یادکردنەوەی شەهیدانی گارێ ئەنجامدراوە و سڵاویان نارد بۆ ئەو بەرخۆدانە مێژووییە.

لە کۆتایی ڕاگەیەنراوەکەدا هاتووە، " ئێمە بە حکومەتی فاشیست و هێزە چەکدارەکانی دەڵێین؛ ئێمە تەنیا لە گارێ نین، ئێمە لەهەموو شارەکانی کوردستان و تورکیادا بوونمان هەیە. تێکۆشانی ئێمە لە دژی فاشیزم قۆناغ بە قۆناغ گەشاوەتر دەبێت."

ک-ش