سێ زیندانیی نەخۆش لە زیندانی ژمارە ٢ی جۆری ئێف لە کرکلار لە ڕێگەی پارێزەرەکانیانەوە رایانگەیاند، لە زینداندا مانگرتنی بێسنووریان لە دژی پێشێلکارییەکانی مافی مرۆڤ دەستپێکردووە.

زیندانیانی نەخۆش زەکی بایهان، ڕەمەزان چەلیک و یوجەل کزماز، کە دەستیان بە مانگرتن لە خواردن کردووە رایانگەیاند، زیندانیانی سیاسی لە ژوورە جیاوازەکان دا ڕادەگیرێن و شوێنی هەوا گۆڕکێیەکە بە تێل گیراوە و چالاکییە وەرزشی و کۆمەڵایەتییەکانیان بە تەواوی سنوردارکراون.

بانگەواز

زیندانیان داوایان لە ڕای گشتی و ڕێکخراوەکانی کۆمەڵگەی مەدەنی کرد، کە لە بەرامبەر پێشێلکارییە جدی و قورسەکانی مافەکانی  مرۆڤ دا بێدەنگ نەبن.

ژ.ت