لە چوارچێوەی کاردنەوەکان لە دژی بڕیاری لەسێدارەدانی ژنە چالاکوانی سیاسی کورد پەخشان عەزیزی، لە نامەکەیاندا ئەنیشا ئەسەد ئیلاهی و حورا نیکبەخت ڕایانگەیاند، پێویستە بەرگریی لە پەخشان عەزیزی بکەین و بە ئەرکی مێژوویی خۆمان بزانین، دەشڵێن: دەبێت چالاکوانان بە کرداری هەنگاو بنێن بۆ ڕاگرتنی سزای لەسێدارەدانەکە.

هەر لە نامەکەدا هاتووە: "هەموو هێزێکی سیاسیی لە بەرامبەر جێبەجێکردن و بڕایاردان لەسەر سزای لەسێدارەدان لە ویژدانی خۆی بپرسێت و بیر بکاتەوە کە تا چەند سزاکە دادپەروەرانەیە، لەبەر ئەوەی مانای ژیان بەخشین و بەهێز کردنی هیوا بە کامپی ئاوارەکان و زیانلێکەوتووەکانی سەردەمی شەڕی داعش بەخشیووە، لە کاتی سەرما و باراندا باوەشی خۆشەویستی بۆ ژن و منداڵی ئاوارەکان کردووەتەوە."

هەردوو ژنە زیندانییکراوەکەی زیندانی ئەوین دەڵێن: دەبێت چالاکوانانی مافی مرۆڤ بە کرداری هەنگاوی جدی بنێن بۆ ڕاگرتنی سزای لەسێدارەدانی ئەو ژنە کوردە.