هەزاران واژۆ بۆ هەڵوەشاندنەوەی سزای لەسێدارەدانی پەخشان عەزیزی كۆكرایەوە
زیاتر لە پێنج هەزار كەس داوای هەڵوەشاندنەوەی سزای لەسێدارەدانی پەخشان عەزیزی دەکەن، هەروەها داوا لە چالاکوانان و ئازادیخوازان کرا بۆ بەشداریکردن.
کامپینی واژۆ دژ بە سێدارە
پێنج هەزار و ٦٢٥ كەس، كە پێكدێن لە چالاکوانانی مافەکانی ژنان، چالاکوانانی مافی منداڵان، داكۆكیكارانی مافەكانی کرێکاران، چالاکوانانی ژینگەیی، بریندارانی شۆڕشی"ژن ژیان ئازادیی"، مامۆستایان، نووسەران، هونەرمەندان، شاعیران، خانەنشینان، پارێزەران، پەرستاران و ئازادیخوازان لە ناوەوە و دەرەوەی وڵات دژی سزای سەپاندنی سزای لەسێدارەدان بەسەر پەخشان عەزیزی زیندانیی سیاسیی کورد لە زیندانی ئەوین بەیاننامەیەکیان بڵاوکردەوە.
لە بەیاننامەکەدا هاتووە: "داوای هەڵوەشاندنەوەی سزای لەسێدارەدانی پەخشان عەزیزی دەکەین، کە مەترسی جێبەجێکردنی سزاکەی لەسەرە.
لە بەردەوامیدا دەڵێت: "داوا لە چالاکوانان و ئازادیخوازان دەکەین بەشداری هەڵمەتەکە بکەن لە دژی سزای لەسێدارەدانی پەخشان عەزیزی، با هەموومان بە یەکەوە هەوڵی ڕزگارکردنی ژیانی بدەین."
واژۆکەران لە ڕێگای ئەم لینکەوە دەتوانن بەشداری هەڵمەتەکە ببن:
