لە ورمێ ژنێک لەلایەن هاوژینەکەیەوە کوژرا
لە شاری ورمێی ڕۆژهەڵاتی کوردستان، ژنێک بە ناوی زەهرا عەلیاری لەلایەن هاوژینەکەیەوە کوژرا.
ڕووداوەکە لە شارۆچکەی میاندواوی ورمێ ڕوویدا، ڕاگەیاندرا کە پاش ڕووداوەکە هێرشکەرەکە هەڵاتووە و هێشتا دەستگیر نەکراوە.
ڕێکخراوی مافی مرۆڤی هرانا ڕایگەیاند ڕووداوەکە بەهۆی کێشەی خێزانییەوە بووە و لێکۆڵینەوە لە ڕووداوەکە دەستی پێ کردووە.
جێگای ئاماژەیە، لە ساڵی ڕابردوودا لە ڕۆژهەڵاتی کوردستان و ئێران، ١٥٨ ژن کوژراون و هەروەها، ١٦ هەزار و ٥٦٧ توندوتیژی خێزانی دژ بە ژنان تۆمار کراوە.
