گەریلا تیڤی بڵاویکردەوە، کاتێک هەلیکۆپتەرێک بەسەر ناوچەکانی گەریلادا دەسوڕایەوە، لەلایەن هێزەکانی گەریلاوە کراوەتە ئامانج و خراوەتە خوارەوە. گەریلا تیڤی دیمەن و ڤیدیۆی کەوتنەخوارەوەی هەلیکۆپتەرەکەی بڵاوکردەوە. گرتە ڤیدیۆییەکە ئەوە پیشان دەدات کە بە دووربینی شەو لە هەلیکۆپتەرەکە دراوە و تێکشکاوە.

ناوەندی راگەیاندن و چاپەمەنیی هەپەگە لەبارەی ئەو چالاکییەوە بڵاویکردبووە: "لە ٣٠ی ئایار و لە کاتژمێر ٢٢:٢٠ هەلیکۆپتەرێک بە سەر گۆڕەپانی بەرخۆدانی ئەشکەوتی بریندارن لە زاپ دەسوڕایەوە. لە کاتژمێر ٢٣:٠٠دا هێزەکانمان لەو هەلیکۆپتەرەیان دا و گورزی قورس و بە هێزیان لێدا. لە ئەنجامی ئەو لێدانە بەهێزانەدا هەلیکۆپتەرەکە گورزی قورسی بەرکەوت و ویستی لە ناوچەکە دوور بکەوێتەوە، بەڵام هەلیکۆپتەرەکە گڕی گرت نەیتوانی بەرزبێتەوە، کاتێکیش خواستی بە نزمی بەرەو خەرەگۆل بڕوات، هێزەکانمان جارێکی تر  لێیاندایەوە، لە ئەنجامدا هەلیکۆپتەرەکە لە نێوان ئەشکەوتی برینداران و خەرەگۆل دا کەوتە خوارەوە".

ژ.ت