ئاهەنگی نەورۆزی ڕحا بە جۆشێکی مەزنەوە بەردەوام بوو. کاندیدی هاوسەرۆکی شارەوانی ڕحا، جەلالەدین ئەرکمەن نەورۆزی پیرۆزکرد، تیشکی خستەسەر گۆشەگیری ڕێبەری گەلی کورد عەبدوڵا ئۆجالان و لەوکاتەدا جەماوەر بە دەنگی بەرز درووشمی "بژی سەرۆک ئاپۆ"ی بەرزکردەوە.

پاشان هاوسەرۆکی دەم پارتی نەورۆزی لە چوار پارچەی کوردستان پیرۆز کرد و سڵاوی بۆ بنەماڵەی شەنیاشار و ئەمینە شەنیاشار نارد و ڕایگەیاند لێپرسینەوە لەو کۆمەڵکوژییە بنەماڵەی شەنیاشار دەکرێت.

باقرخان ڕایگەیاند نەورۆز شیرازەی دەسەڵاتی تێکداوە و ملیۆنان کەس لە کوردستان هاتوونەتە گۆڕەپانەکان، ئەوان بەردەوام باسی ئۆپەراسیۆن و شەڕ دەکەن، ملیۆنان کورد دەڵێن ئاشتی و ئازادی و دیموکراسی، دووپاتی کردەوە گەلی ڕحا لە هەڵبژاردن وەڵامی سیاسەتی شەڕ دەداتەوە، گوتی: "ئێوەی گەلی ڕحا دژی نەمروودەکان، ڕابەرایەتی هەڵوێستی ئیبراهیم دەکەن".

باقرخان ناڕەزایەتی بەرامبەر گۆشەگیری ڕێبەری گەلی کورد عەبدوڵا ئۆجالان دەربڕی، ڕایگەیاند چارەسەر لێتانەوە و نزیکە و ڕووبکەنەوە ئیمراڵی، گوتی: "گۆشەگیری سەر بەڕێز ئۆجالان هەڵگرن و پرسی کورد بەڕێی گفتوگۆ و دانوستان چارەسەر بکەن. بەم بۆنەیەوە نەورۆزی هاوشاری و هاوڕێتان بەڕێز ئۆجالان لە زیندانی ئیمراڵی پیرۆز دەکەم. نەورۆز پیرۆز بێت".

پاشان دایکانی ئاشتی بە درووشمی "بژی سەرۆک ئاپۆ" و "بژی نەورۆز"یان کرایەوە.

بەرنامەکە بە چالاکی هونەری بەردەوام بوو.