گەریلا ئادەم ئۆزکان لە ١ی ئەیلول لە داوێنی چیای باگۆک ​​لە ئەنجامی هێرشی ئاسمانی دەوڵەتی تورک دا شەهید بوو. لە گەڕەکی زۆنجکی ناوچەی پرسوسی شاری ڕوحا لە ماڵی بنەمەڵەکەیدا مەراسیمی پرسەی بۆ دانرا.

بە پێشەنگایەتی کۆمەڵەی کولتوور و پشتیوانی و هاوکاری بنەماڵە و خزم و کەسی ونبووەکان (KATDER)، بە کۆمەڵ سەردانی پرسەکە کرا.

لە سەردانەکەدا فەریت شەنیاشار، پەرلەمانتاری پارتی یەکسانی و دیموکراسیی گەلان دەم پارتی شاری ڕوحا، ئەندامانی ئەنجوومەنی دایکانی ئاشتی شاری ڕوحا، بەڕێوەبەرانی ڕێکخراوەکانی دەم پارتی و خەڵکێکی زۆر بەشداری مەراسیمەکە بوون.

جەماوەر لە ناوچەیەکی نزیک ماڵی شەهید کۆبوونەوە و بە دروشمی "شەهیدان نامرن" بەرەو شوێنی پرسەکە ڕێپێوانیان کرد.

هەروەها جەماوەر لەلایەن ئەندامانی بنەماڵەی شەهید ئۆزکانەوە پێشوازییان لێکرا، لە مەراسیمەکەد بۆ ئەو کەسانەی لە تێکۆشانی ئازادیدا گیانیان بەخت کردووە ڕێز دانرا.