سولەیمان پۆیراز کە بە تۆمەتی "ئەندامێتی ڕێکخستن" لە ساڵی ٢٠٠١ خرایە زیندان و ١٥ ساڵ لە زیندان مایەوە، لە زیندانی جۆری Tی شاکران ئازادکرا.

لەکاتی ئازادکردنیدا، ئەندامی خێزانەکەی و بەڕێوەبەرانی پشتیوانی لە کەسوکاری زیندانیانی ئەگێ (EGE-TUHAYDER) و بەڕێوەبەرانی دەم پارتی، پێشوازییان لە سولەیمان پۆیراز کرد.

سولەیمان سەردانی گۆڕی دەنیز پۆیرازی خوشکی کرد لە بوجا کایناکلار، لەوێ قسەی کرد و ڕایگەیاند هەرچەند بە ئازادبوونی دڵخۆشە بەڵام بە مانەوەی هەڤاڵانی لە زیندان دڵتەنگە.

پۆیراز گوتی: "لەم پرۆسەیەدا چاوەڕێی ئەوەین هەموو زیندانیان و بەتایبەت ڕێبەرێتی (عەبدوڵا ئۆجالان) ئازاد بکرێن".