پەروین بوڵدان هاوسەرۆکی گشتی پارتی دیموکراتی گەلان (هەدەپە)، بەردان ئوزتورک هاوسەرۆکی کۆنگرەی کۆمەڵگەی دیموکراتی (کەجەدە)، سیاسەتمەداری کورد ئەحمەد تورک، عومەر ئوجالان، ئایشە سوروجو، نەعمەتوڵلا ئەردۆغموش پەرلەمانتارانی هەدەپە و شاندی هەدەپە سەردانی هاوڵاتیانیان کرد لە ناوچەی بێرەجوک و پرسوی روحا کە لە بومەلەرزەکەدا بریندار بوون.

شاندەکە لە سەرەتادا لە ناوچەی بێرەجوک سەردانی شەقامی نەخۆشخانە کرد کە ژمارەیەک باڵەخانە لەوێ رووخابوون و دواتر سەردانی ئەو هاوڵاتیانە کە لەژێر چادرەکاندا دەمێننەوە. شاندەکە لە دۆخی هاوڵاتیانی پرسیەوە.

شاندەکە دواتر سەردانی ناوچەی پرسوسی کرد. لە پرسوس شاندەکە سەردانی باڵەخانەیەک کرد کە دایکێک و دوو منداڵ لەوێ گیانیان لەدەستداوە. هاوڵاتیان کە زیانیان بەرکەوتووە، رایانگەیاند کە دەوڵەت هاوکاری پێشکەشی ئەوان نەکردووە و چادر و پێداویستیەکان رادەستیان نەکراوە و سوپاسیان بۆ هاوکاریەکانی هەدەپە کرد.

شاندەکە سەرەخۆشی لە خانەوادەی ئەو کەسانە کرد کە گیانیان لەدەستداوە.

ف.ق