چالاکیی دانیشتنی بنەماڵەی گوڵستان دۆکو خوێندکاری زانکۆی مونزور، کە لە ٥ی کانوونی دووەمی ٢٠٢٠ەوە لە دێرسیم بێسەروشوێن بووە و هیچ زانیارییەکی لەسەر نییە، لەبەردەم دادگای دێرسیم ١٠ رۆژی تێپەڕاند.

دایک و باوکی گوڵستان، بەدرییە و خالید لە بەردەم دادگا وێنەی کچەکەیان بە دەستەوە گرتبوو و داوای روونکردنەوەى چارەنووسیان دەکرد. دایە بەدرییە دۆکو پرسیی "گوڵستان لەکوێیە؟ بۆچی بکوژەکە دەستگیر ناکەن؟".

پاش ماوەیەک بنەماڵەکە لەسەر داوای پارێزگار محەمەد عەلی ئۆزکان لە بینای پارێزگا لەگەڵ ئۆزکانی پارێزگار کۆبوونەوە و وتیان، پارێزگار هەمیشە قسەکانی پێشوو و هەمان شتانە دووبارە دەکاتەوە، کە پێشتر بۆی باسکردون.

پلاتفۆرمی ژنانی دێرسیم سەردانی چالاکیی بنەماڵەی دۆکویان کرد و پشتگیریی خۆیان بۆ چالاکییەکەیان دووپات کردەوە.

ژ.ت