ڕۆژنامەی هەواڵ یەکێکە  لە ڕۆژنامەکانی کەرکوک، بە هەریەک لە زمانەکانی  کوردی، عەرەبی و تورکمانی  لە ١ تەمووزی ساڵی ٢٠٠١ ژمارەکانی بڵاو دەکاتەوە، بەهۆی کێشەی سیاسی و ئابوری ماوەی پێنج ساڵبوو لە کارەکانی ڕاگرتبوو، وابڕیارە جاریکی دیکە دەست بکاتەوە بە چاپ و بڵاو کراوەی ژمارەکانی.

 شوان داودی خاوەن ئیمتیازی رۆژنامەی هەواڵ لەو بارەوە رایگەیاندووە: " "من خۆم پیاوی ڕۆژنامەگەری کاغەزم ئەوەندە بڕوام بە بابەتی نوسراوی سەر کاغەز هەیە بروام بە فەزای فەنتازیای ئەلکترۆنی نیە .ئەلکترۆنی باشە بۆ تەرویج و زیاتر گەیاندن بەڵام کاغەز بۆ بەڵگە نامە و بۆ ئەرشیف و بۆ میژوو دەمێنێتەوە و میسداقیەتی زیاترە"..

لە درێژەی لێدوانەکەیدا بۆ کەرکوک ناو داودی رایگەیاندووە، " تا ساڵی ٢٠١٩ ڕۆژنامەی هەواڵ ٧٩٢ ژمارەی لێ بڵاو کرایەوە بەڵام دواتر بەهۆکاری سیاسی و ئابوری و چەند هۆکارێکی دیکە مەبجوور بووین ژمارەکە ڕبگرین.

 ئەوە پێشی وایە  دوای ڕاگیرنی هەواڵ بۆ شایکی گەورە لە ڕۆژنامەگەری کوردی لە ڕۆژنامەنوسی کاغەز لە شاری کەرکوکدا پەیدا بوو، ناوبراو وتیشی :" لێپرسراوە حزبیەکان هەر یەکە و بە پەیجێک و چەند ئەکاونتێکی فەیسبوک ئیکتفایان کردوە بۆ تەرویج دان بە خۆیان و پرۆژیەکی جدی کوردی نابینرێت بەدوای چارەسەردا بگەڕێت بۆ دۆخی شارەکە بە گشتی و دۆخی کورد بە تایبەتی".

بە پێچەوانەی ئەو بۆچوونە باوەی کە دەڵێت" بەهۆی ئاژانس و  ڕۆژنامە ئەلیکترۆنیەکان، ڕۆژنامەی کاغەز بەهای خۆی لە دەست داوە"، داودی پێ وایە: "ڕۆژنامەی کاغەز بەهای مەعنەوی خۆی لە دەست نەداوە چونکە ئەسڵەکەیە ئەوەی لە سەر کاغەز بڵاو دەکرێتەوە مەجالی دەستکاری کردن و گۆرانکاری تێیدا نیە وەک ئەوەی لە ئەلکترۆنی بڵاو دەکرێتەوە هەموو کاتێک قابیلی دەستکاری کردن و هاککردن و سڕینەوەیە .جیهانی ئەلکترۆنی جیهانێکی فەنتازیە .دەکرێت سود لە سۆسیال میدیا و میدیای ئەلکترۆنی وەرگرین بۆ تەرویج دان بە کارەکەی سەر کاغەز".

 داودی ئەندامی پێشووی ئەنجوومەنی نوێنەرانی عێراق و ڕۆژنامەنوسێکی کۆنی شارەکەیە دەڵێت ؛ "بڕیارم داوە  لەسەر ئەرکی خۆم لەکوێ ڕاگیراوە لەوێوە جارێکی تر دەست پێبکەمەوە و سەرەتا مانگانە ژمارەیەک دەربکەم کە لە توانای خۆمدا هەیە خەرجیەکەی دابین بکەم و هەنگاو بە هەنگاو کار بۆ فراوانکردنی بکەم. "

 بەهۆی گەشەسەندنی ئاژانس و وێبسایتە ئەلیکترۆنیەکان، ژمارەی ڕۆژنامە و کاری کاغەز لە شاری کەرکوک لە ماوەی دە ساڵی رابردوو بە شێوەێکی بەرچاو کەمیان کردوە،  یاخود ڕوو بەڕووی قەیرانی دارای و کەمی خوێنەر بوونتەوە، بەڵام هێشتا هەن لەو کەسانەی پێاوان وایە کاغەز بەهای خۆی لە دەست نەداوە و بەهای تایبەتی خۆی هەیە وەک چۆن تا ئیستا گاردیان، نیورک تایمز یەکێکن لە پر خوێنەرترین ڕۆژنامەکانی جیهان و هاوڵاتیان بە گرنگیەوە لێان دەروانن، دەکرێت لێرەش هەمان نەریتی کاغەز درێژی پێ بدرێت. 

 هـ. ب