دوێنێ شەو لە ناوچەی گەڤەری سەر بە جۆلەمێرگ ئۆپەراسیۆنێكی سەربازی دەستی پێ كرد. ئۆپەراسیۆنەکە لە چیای پاییزئاوا دەستی پێكردووە تا سەرلەبەیانی ئەو ناوچەیە لە رێگەی هەلیكۆپتەر، فڕۆكەی بێفڕۆکەوانی هێرشبەر و چاودێریی جۆرەکانی سیها و ئیها بۆردۆمان كراوە.

 بەپێی زانیاریەكان ئۆپەراسیۆنەكە لە گوندەكانی پاگێ، تیلۆرانی سەرەوو و تیلۆرانی ژێری، كۆچە، زیزان، مامكاوا، مەشكان، كێلبان، یەكمالای ژێر و ژوور، دارێ، كاپۆرتێ، چواردیوار، مۆشڤان لەهەرێمی تاجەدین، سێپرێز، چیای عۆمەرێ، پاگێ و تۆپزئاوا بەرێوەدەچێت و ئۆپەراسیۆن بەردەوامە.

لە ناوچەکە جمۆجوولی فڕۆكەی جەنگییەکان و  فڕۆكەی بێفڕۆکەوانی هێرشبەر و چاودێری و ڕەوانەکردنی هێزی ئەمنی بەرەو سنور رووی لەزیاد بوون کردووە.

پاییزئاوا

لەناوچەی پاییزئاوای سەر بە وان-یش بەهەمانشێوە ئۆپەراسیۆنێكی بەرفراوان دەستی پێ كردوە. ئۆپەراسیۆنەكە لەگوندی تاكۆ، ئاشخان، سێلیلان، مەروانۆ و زۆزانی ترشنێ بەردەوامە.

ژ.ت