سوڕانەوە و هێرشی فڕۆکەی بێ فرۆکەوانی هێرشبەر بۆ سەر کامپی مەخمور هەرگیز کەم نەبووەتەوە. ئەمڕۆش لە کاتژمێرەکانی بەرەبەیانەوە تاوەکو ئێستا فڕۆکەیەکی بێفڕۆکەوان زۆر بە وردی و بە نزمی بە ئاسمانی کەمپەکەدا دەسوڕێتەوە و تا کاتی ئامادەکردنی ئەم هەواڵەش فڕۆکە بێفڕۆکەوانەکە بەردەوامە لە سوڕانەوە بە ئاسمانی کامپی مەخمورەوە.

ڕۆژی ٥ی تەمووز فڕۆکەیەکی بێفڕۆکەوانی هێرشبەری سوپای تورکی داگیرکەر ماڵی هاووڵاتییەکی کامپەکەى بۆردومانکرد و بەو هۆیەوە هاوڵاتییەک بریندار ببوو و بۆردومانەکەش کاریگەریی لەسەر زۆرێک لە هاووڵاتییانی تر دروستکردبوو و کێشەى هەناسەدانان بۆ دروست ببوو و بە ئاسمانی نەیاندەتوانی هەناسە بدەن.

تا ئێستا ڕێکخراوی نەتەوە یەکگرتووەکان، ڕێکخراوەکانی مافی مرۆڤ، حکومەتەکانی عێراق و هەرێمی کوردستان هیچ کاردانەوەیەکیان بەرامبەر هێرش و پێشێلکارییەکانی دەوڵەتی تورکی داگیرکەر بۆ سەر هاوڵاتیان، بەتایبەتی هاووڵاتییانی ئاوارەی ناو  کامپی پەنابەرانی مەخمور نەبووە.

ژ.ت