هەپەگە: لە تێکۆشانماندا بەردەوام یادیان دەکرێتەوە

هەپەگە ٥ گەریلای شەهیدی بە بیرهێنایەوە رایەگیاند، "هاوڕێیانمان دەنیز، رۆدی، دلێر، جافیدا و عادڵ وەک جەنگاوەرانی پێشەنگ و فەرماندە نمونەییەکان لە تێکۆشانماندا بەردەوام یادیان دەکرێتەوە".

ANF
بەهدینان
دووشه‌ممه‌, 19 Jun 2023, 13:13

ناوەندی راگەیاندن و چاپەمەنی هەپەگە لەبارەی شەهیدبوونی ٥ گەریلا راگەیەندراوێکی بڵاوکردەوە، کە بەم جۆرەیە:

"لە جەنگاوەرانی پێشەنگی گیانبازی پارتەکەمان هاوڕێیانمان دەنیز، رۆدی، دلێر، جانفیدا و عادل لە کات و شوێنی جیاجیادا لە ئەنجامی هێرشەکانی دوژمن شەهیدبوون و چوونە کاروانی نەمرانەوە. هاوڕێیانمان دەنیز، رۆدی، دلێ، جانفیدا و عادل خۆیان لەسەر هێڵی گیانبازی پەروەردە کرد، بوونە هاوڕێی باشی عەگید و زیلانەکان و لە گەریلایەتی مۆدێرنیتەی دیموکراتیکدا خۆیان بەرەوپێش برد، بوونە فەرماندەیی نمونەیی، جەنگاوەرانی پێشەنگ. لە تێکۆشانماندا هەموو کات یادیان دەکرێتەوە. هاوڕێیانی فیداییمان بە هەڵوێستی خۆیان، بەشداربوونی بێ سڵکردنەوە، بە ئیرادەی بەهێز، بریارداری، رۆحی لەخۆبوردەیی، رەنج و هەوڵی بێهاوتا رێگەی راست و کاریگەری تێکۆشانیان بە هاوڕێیانیان نیشاندا. ئێمە بەڵێن دەدەین کە لە سەر رێچکەی گیانبازییان رێبکەین، گیانی فیدایی ئاپۆیی لە هەر ساتێکی ژیاندا باڵادەست بکەین و بە دڵنیاییەوە بیگەیەنینە سەرکەوتن.

سەرەتا سەرەخۆشی لە بنەماڵەی وڵاتپارێزی بەنرخیان دەکەین کە رۆڵەی قارەمانیتێکۆشانی ئازادی ئێمەیان بە گیانبازی و رەنجی زۆرەوە گەورەکرد و تێکەڵ بە تێکۆشانی ئازادی گەلەکەمانیان کرد، هەروەها سەرەخۆشی لە تەواوی گەلی وڵاتپارێزی کوردستان دەکەین.

زانیاری لە سەر ناسنامەی هاوڕێیانمان بەم جۆرەیە:

ناسناو: دەنیز ئامانۆس

ناو و پاشناو: تەکین ئۆکان

شوێنی لەدایکبوون: ئێلیح

ناوی دایک- باوک: حازیمە-خەیرەدین