دوای نیوەرۆی ئەمرۆ لە شاری کەرکوک لە مەکتەب سیاسی یەکێتی نیشتیمانی کوردستان، لەسەر ئاستی کەسی یەکەم و بەرپرسی هەڵبژاردنی حزبەکان کۆبوونەوەی حزبە کوردستانیەکانی کەرکوک ئەنجامدرا، کۆبوونەوەکە بۆ تاوتوێکردنی پرسی دروستکردنی هاوپەیمانی حزبە کوردستانیەکانی کەرکوک بوو لە هەڵبژاردنەکانی داهاتووی عێراقدا.

هەرچەندە هیچ کۆنگرەیەکی رۆژنامەوانی ئەنجام نەدرا و ڕێگری لە رۆژنامەنووسان کرا رووماڵی کۆبوونەوەکە بکەن،  بەڵام بەپی ئەو زانیارایانەی لەلایەن سەرچاوەیەکی تایبەتەوە بە ئاژانسی هەواڵی فورات (ANF) گەیشتووە، حزبە کوردستانیەکانی شاری کەرکوک هاوپەیمانییەکیان پێکهێناوە و کۆبوونەوەی ئەمرۆ تایبەت بووە بە رێککەوتن لەسەر ناوەرۆکی ئەو هاوپەیمانیە.

سەرچاوە تایبەتەکە ئاماژەی بەوەشدا، ناوەڕۆکی کۆبوونەوەکە تایبەت بوو لەسەر رێکەوتن لەسەر ئەو برگانەی لای خوارەوە:

یەکەم / ڕێکارەکانی هاوپەیمانی

دووەم / جوگرافیای هاوپەیمانی

سێیەم / پێکهاتە، لۆگۆ و بەرنامەی هەڵبژاردنی هاوپەیمانی:

آ- سەرۆکی قەوارە(هاوپەیمانی)،  ب- ڕێپێدراو(مخول)، ج- بڕیاردەر(مقرر)،  د- گۆتەبێژ.

چوارەم / میکانزمی دیاریکردنی کاندید و بەرکەوتەی لایەنەکان.

جێگای باسە بۆ رێگریکردن لە رووماڵکردنی کۆبوونەوەکە و هێشتنەوەی ناوەرۆکی کۆبوونەوەکە بەنهێنی، ئاسایشی مەکتەبی سیاسی کەرکوکی یەکێتی نشتیمانی کوردستان دوور لە ئەتەکێت و ڕێزگرتن میدیاکارانی دوور خستەوە.

ف.ق