شارو ئامەڎی یۊ چا شارا بۍ کە بە مەڵامەتو بومەلەرزەکەیۊ زەرەرۍ فرەش ۋنە کۊت، ھەرمانەکۍ ھۊرسەنگنای و دەسنېشانکەرڎەی زەرەرەکا جە ناۋەنڎو شارەکەی و مەنتېقەکاو دۊروبەریشنە تەمامېێنۍ.

پلاتفۊڕمو پەشتېۋانی و پارێزناو ئامەڎیی سەرو ھەژمارەو ۋێشۊ جە تۊڕە کۊمەڵایەتېەکانە سەبارەڎ بە ئامارەو زەرەرەکا زانیاریش ۋەڵاو کەرڎۊو ئەرەیاۋناش کە ھەڵای جە دەگاکانە ھەرمانەکۍ ھورسەنگنای ۋەردەوامێنۍ.

بەپاو زانیاریەکا پلاتفۊڕمەکەی، ۋنەکۊڵیای سەرو ١٥٩ ھەزاراو ٨٣٢ یانا ئەنجامدریان، ٢٢ ۍ بېنۍ بە تەمامی وڕێنۍ و ئەشۊ ٦ ھەزار بېنۍ تەریچ خێرا وڕیا. پلاتفۊڕمەکە ئەرەیاۋنانش کە ٣ ھەزارۍ و ٢٥٢ بېنۍ زەرەری قورسشا ۋەرکۊتەن، ٢ ۍ ھەزارۍ و ٨٢٨ بېنۍ تەریچ نېمچە وڕۍ بیێنۍ و ٣٢ ھەزارۍ و ٦٥٢ۍ بېنۍ تەریچ کەمتەر زەرەرشا ۋنە کۊتەن.

ھ.ش