ئەمشەو درۆنێک لەنێوان هەردوو گوندی سێکانی و تازەدێ سەر بە تەق تەق لە سنووری شارۆچکەی کۆیە، کەوتەخوارەوە. بەگوێرەی زانیارییەکان، درۆنەکە لە ئێرانەوە ئاڕاستەکراوە و دوور لە ناوچەی نیشتەجێبوونی هاوڵاتییان کەوتووەتە خوارەوە و زیانی گیانیی نەبووە.

لەگەڵ دەستپێکردنی هێرشەکانی نێوان ئێران و ئیسرائیل، ماوەی هەفتەیەکە چەندین درۆن و موشەک لە ناوچە جیاجیاکانی هەرێم کەوتوونەتە خوارەوە و تا ئیستا هیچ زیانێکی گیانییان لێ نەکەوتووەتەوە.