چالاکا بەلوچی ئەرەیاۋناشا کە بە بەهانۍ بەشداربیەی جە شۆڕشو "ژەنۍ ژیۋای ئازادی"نە، سزاو قەنارەی سەرو دووۍ کەسارە سەپیان و زانیارییچ دەربارەو زاوڵێوە باڵبەسکریای نییا.
دۊڵەتو ئېرانی بە بەهانۍ بەشداربیەی جە شۆڕشو "ژەنۍ ژیۋای ئازادی"نە سزاو قەنارەیش سەرو دووۍ جوانا بەلوچیرە سەپنا، هەرپاسە ئەرەیاۋېیا، زاوڵێوە کە جە هەمان ناڕەزایەتیینە باڵبەس کریان، جە زینانەنە بریان پەی شۊنێوە نادیاری.
بەپاو زانیارییەکا هەڵمەتۆو چالاکا بەلوچی، دادگاو شۆڕشی جە شارو زاهیدانینە سزاو قەنارەیش سەرو دووۍ هاموڵاتیارە سەپنان بە نامەکا محەمەد دەروێش نەهرۆیی و یاسین کابدانی.
جە ئەرەیاۋناکەینە تەئکید کریانۆ، بنیامین کۆهکەن خەڵکو شارو زاهیدانی کە کاتو شۆڕشەکەی باڵبەسکریا بۍ، دماو ئەرەنیشتەو دادگای جە زینانۆ بریان پەی شۊنێوە نادیاری و زانیاری جە بارەشۆ نیا.
