واتەواچە و دەم پارتی ئایشەگوڵ دۆغانە ئاماژەش پانەی دا پەنەوازا سەرۆکو پەرلەمانی دەسوەڵێ وزۆنە پەی پێکئاردە و کۆمیسیۆنی و واتش: "تەنیا بە قسەکەردەی مەبۆنە، پەنەوازا هەرمانە و چێوی تازە ئەنجام دریۆنە پەی پێکئاردە و کۆمیسیۆنەکەی."
واتەواچە و پارتو یەکسانی و دیموکراسی گەلا (دەم پارتی) ئایشەگوڵ دۆغانە جە مییانو گرڏی پارتەکەینە کۆنگرێوە ڕۆنامەوانیش ڕێکوست.
ئایشەگوڵ دۆغانە جە کۆنگرەکەنە 'بانگەوازو ئاشتی و گلێرگە و دیموکراتیک'ـو ٢٧و شوباتی ڕابەر ئاپۆی و قەرارەکا پەکەکەی پەیوەس بە بانگەوازییەکەی هورسەنگنا و واتش: "ئا دۆخەی جە ئیسەنە پۆرەشەرە ویەرمێ، پەیوەس بە لایەن و ڕەهەندەکا پرۆسەکەی نیشاندەرو ئانەین سەرو ڕێچکەو وێش ملۆڕاوە. دۆخی بنبەست یان قەیراناوی نییا."
'کڕێڵو چارەسەری دیموکراتیزەکەردەین'
ئایشەگوڵ دۆغانە باسش چانەی کەرد یۆ چا بابەتا فرەتەر نیگەرانشا مکەرۆ بابەتو زیابییەی جەنگو و ناکۆکییەکا وەرکەوتوو مییایمینیا کە ڕابەر ئاپۆ جە هورسەنگناکانە ئاماژەش پنەکەردەن. دۆغانە ئاماژەش پانەی دا پەرسەو کوردی و ئازادی گەلوو کوردی جە تورکیا و ناچەکەنە ئەرەبڕیا نییا جە جەنگەکا وەرکەوتوو مییامینینە و ئینەش وات: "پەنەوازا بە زووی مێڏانو و ڕەهەندە سیاسییەیکێ دیموکراتیکی بەهێزێ کریانە، پەرە بە وەڵکەوتە و دیموکراتیکیانەی دریۆنە.
ئایشەگوڵ دۆغانە جە قسەکاشەنە جەختش چانەی کەردۆ پەنەوازا و کاتو ئانەی ئامان هەنگامە پەی پێکئاردە و کۆمیسیۆنی نریۆنر و ئاشکراش کەرد پەنەوازا نوعمان کورتولموشیش سەرۆکو پەرلەمانو تورکیای دەسوەڵی بکەرۆ پەی ئی هەرمانێ و گرڏ و لایەنەکا گلێربکەرۆوە.
'وەڵێکەوتە و پرۆسەکەی پەنەوازیش بە پراکتیکی تازەی هەن'
ئایشەگوڵ دۆغانە جە دریژەنە ئینەش وات: "بەڵی پەنەوازیما بە قسێ ئەرێنیێ هەنێ، بەڵام قسێ کەردەی وەسێ نییا و پێکئاردە و کۆمیسیۆنی پەنەوازیش بە کرداری هەن. پۆکەی گلێرگە پەنەوازیش بە قسێ ئەرێنییێ و پەنەوازیش بە پراکتیکی تازەی هەن و پی جۆرە پرۆسەکە وەڵێ گنۆنە."
