وڵاتێ ئەوروپای دما و بەردەوام بییە و هرووژمەکا ئێرانی و ئیسرائیلی پەی سەر و یەکتری، داواو کەمکەردەیۆ گرژییەکا مکەرا.  بەپاو  هەواڵێوە ئاژانسو فرانس پرێسی، وەزیرا چبەر و ئەڵمانیای و فەرەنسای و بەریتانیای، ڕۆو جومعەی چنی هاوتا ئێرانییەکەیشا گلێرێ باوە. هەرپاسە نوێنەرو دیپلۆماسی یۆبییە و ئەوروپای کاجا کالاسیش بەشدار بۆنە.

ئیسرائیل ١٣ و حوزەیرانی هرووژمێوە سەختش پەی سەر و ئێرانی دەس پنەکەرد و سەدان مییانێ ئەتۆمی و سەروازیێشا کەردێ ئامانج، وە چنین ئەفسەرێ پلەباڵێ و هەواڵگریشا کوشتێ.

ئەگەرو بەشداریکەردەی ڕاستەوخۆو ئەمریکای جە جەنگەکەنە، تامێ زیاتەر بۆنە. دۆناڵد ترەمپ ئەرەیاوناش دەسوەردای سەروازی دژو بەرنامە ئەتۆمییەکا ئێرانی، بەدوور مەزانمێ.

ڕۆو شەممەی جە ئەرەیاونا و یۆبییە و ئەوروپاینە ئاما بێ: "بەئاشکرا واوەی کریانۆ، مەبۆنە ڕا دریۆنە کە ئێران بۆوە خاوەن چەکی ئەتۆمی".