ئەمڕۆ دووشەممە ١٩ ی حوزەیرانی  ٢٠٢٣ ، سەرۆکی ئەرکانی سوپای عێراق فەریق عەبدولئەمیر ڕەشید یارەڵڵا و جێگری فەرماندەی ئۆپەراسیۆنە هاوبەشەکان فەریق قەیس خەلەف بەسەردانێك گەیشتنە شاری کەرکوکی باشوری کوردستان، وە بە ئامادەبوونی فەرماندەی پۆلیسی فیدڕاڵی و فەرماندەی هێزی وشکانی لەگەڵ فەرماندەیی ئۆپراسیۆنەکانی کەرکوك کۆبونەوە.

 بەپێی ئەو زانیاریانەی کە دەستی ئاژانسی هەواڵی فورات کەوتووە، مەبەست لە سەردانەکەی سوپا سالاری عێراق کۆبوونەوەیە لەگەڵ هێزە ئەمنی و سەربازییەکانی کەرکوک سەبارەت بە دۆخی ئەمنی کەرکوک بەگشتی و بەتایبەتی هێرشەکانی داعش کە لەچەند رۆژی ڕابردوو ڕوویانداوە.