بۊنەو بوومەلەرزەکەو ڕۊو ٦و شوباتیوە، کە بەشێوە جە شارەکاو سەرنیشتی و وەرنیشتوو کورڎستانی و تورکیای و سووریایش گێرتۊ، تا ئیساتۍ سووریا و وەرنیشتوو کورڎستانینە، هەشت هەزارۍ و ٥٠٠ کەسۍ گیانشا جەدەس دان.

حەرپاسە، تا ئیساتۍ بۊنەو بوومەلەرزەکەیۊ ١٧١ هەزارۍ و ٨٤٣ کەسۍ ئاوارۍ بیێنۍ و ٥٥٠ باڵایانۍ تەمامۍ وڕیێنۍ و هەزار و ٥٧٠ باڵایانۍ زەرەرشا وەر کەوتەن.

ڕۊو ٦و ئی مانگۍ، زنجیرێوە بوومەلەرزۍ، كە بەقووەتتەرینشا ٧.٨ پلۍ بە پیمەروو ڕێختەری بۍ، بەشێوە جە مەنتێقەکاو سەرنیشتوو كوردسانی، توركیای و وەرنیشتوو كوردسانی و سووریایش لەرنێوە و بە هەزاران کەسۍ بیۍ قوربانى.

س.ز