به‌ گوێره‌ی زانیارییه‌كان ئه‌مشه‌و كاتژمێر ٢٠ به‌ كاتی ڕۆاڤا، سوپای توركیای داگیركه‌ر جارێكی دیكه‌ به‌ چه‌كی دۆشكه‌ گوله‌بارانی گونده‌كانی چارخلی و كۆر عه‌لی كردووه‌ له‌ ڕۆژئاوای كۆبانێ.

هێرشه‌كانی ده‌وڵه‌تی تورك بۆ سه‌ر كۆبانێ دوای كۆبوونه‌وه‌ چوارقۆڵییه‌كه‌ی ٢٧ی تشرینی یه‌كه‌م\٥ی گه‌ڵاڕێزان-ی ئیسته‌نبووڵ ده‌ستیان پێكرد. له‌و ڕۆژه‌وه‌ تا ئێستا چه‌ندین جار هێرش كراوه‌ته‌ سه‌ر كۆبانێ و گرێسپی له‌ ڕۆژئاوای كوردستان.

به‌هۆی هێرشه‌كان زۆرترین زیان به‌ هاوڵاتییانی سیڤیل ده‌گات. له‌ ئه‌نجامی هێرشی ئه‌مڕۆی سه‌ر گرێسپی منداڵێكی ته‌مه‌ن ١٢ ساڵان به‌ ناوی سارا كوژرا.

s.m