بە بەشداری دانیشتوانی گەڕەکی شێخ مەقسوودی شاری حەڵەب و شەڕڤانانی یەکینەکانی پاراستنی گەل (یەپەگە) و یەکینەکانی پاراستنی ژنان (یەپەژە)، تەرمی شەڕڤانی هێزەکانی ڕزگاری عەفرین شەهید خەمگین حەڵەب (خەلەف ئەلدەهر) بەخاک سپێردرا . شەهید خەمگین لە٧ی تشرینی یەکەم بە هۆی هێرشی دەوڵەتی داگیرکەری تورکەوە شەهید بوو.

لە مەراسیمەکەدا ئەندامی ئەنجوومەنی سەربازی حەڵەب، زاگرۆس حەڵەب و عایشە حسۆ ئەندامی بنەماڵەی شەهیدان لە گەڵ بنەماڵە و کەس وکاری شەهید خەمگین لە سەر کەسایەتی و پێگەی شەهید قسەیان کرد و بەڵێنی بەردەوامیدانی ڕێگای شەهیدیان دوبارە کردەوە.

پاشان، ئەواش چاویش، بەڕێوەبەری بنەماڵەی شەهیدان، ناسنامەی شەهید خەمگینی خوێندەوە و پێشکەشی بنەماڵەکەی کرد.

دواتر تەرمی شەهید بە هەلهەلەی دایکان بەخاک سپێردرا. مەراسیمی پرسە لەلایەن ئەنجومەنی بنەماڵەی شەهیدان لە گۆڕەپانی ٧ شەهیدانی ڕۆژهەڵاتی گەڕەکی شێخ مەقسوود بەڕێوەدەچێت، هەروەها پارت و ڕێکخراوەکان، کۆمین و ئەنجومەنەکان و هێزە سەربازییەکان بەشداری مەراسیمەکە دەکەن.