سوپای توركیای داگیركه‌ر ئه‌مڕۆ كاتژمێر ١٤:٠٠ ماڵی هاوڵاتیانی سیڤیلی گوندی شكاتێ-ی ناوچه‌ی شیێ-ی هه‌رێمی عه‌فرینیان كرده‌ ئامانجی بۆمبارانی فڕۆكه‌ جه‌نگییه‌كان و خانوویه‌كیان به‌سه‌ر خانه‌واده‌یه‌كدا ڕووخاند.

له‌ دوای بۆردومانه‌كه‌، دانیشتوانی گونده‌كه‌ چوونه‌ شوێنی بۆردومانه‌كه‌ و ته‌رمی «نه‌سره‌ت عوسمان - ته‌مه‌ن ٥٠ ساڵ»یان له‌ژێر داروپه‌ردوی خانووه‌ ڕووخاوه‌كه‌ ده‌رهێنا و ڕه‌وانه‌ی نه‌خۆشخانه‌ی عه‌فرینیان كرد. به‌ڵام دانیشتوانی گونده‌كه‌ نه‌یانتوانی قوربانیانی دیكه‌ له‌ژێر خانووه‌ ڕووخاوه‌كان ده‌ربێنن.

نه‌سره‌ت عوسمان، خه‌ڵكی گوندی ئه‌لكانا-یه‌ و به‌هۆی بۆردومانه‌كان كۆچی كردبوو بۆ گوندی شكاتێ. دانیشتوانی گونده‌كه‌ ڕایانگه‌یاند پێشبینی ده‌كرێت ژماره‌ی قوربانیان كه‌ له‌ژێر خانووه‌ ڕووخاوه‌كه‌دان، ٣ یان ٤ كه‌س بن كه‌ هێشتا ناسنامه‌یان دیار نییه‌.

ش. م