هامسەرۆکایەتی دەسەو ڕاوەبەری کەجەکەی سەبارەت بە هۆرچنیەکا پانیشتوو کورڎەسانی ئەرەیاۋناش، هۆرچنیەکەی پەی رزگارکەردەی کورڎەسانی جە ئەرەگیری و قڕکەردەی گرنگا. کەجەکە ئانەیچش وست ڕووە، مشۆم ئیراڎەی وڵاتپارێزنی بەشێوێوە قەوەت نیشانە بڎریۆ.
هامسەرۆکایەتی دەسەو ڕاوەبەری کەجەکەی سەبارەت بە هۆرچنیەو پەرلەمانو پانیشتوو کورڎەسانی کە قەرارا ٢٠و ئارگای (ئۆکتۆبەر) و ٢٠٢٤ بلۆڕاوە، ئەرەیاۋنێوەش دا و ئانەش وست ڕووە کە گەلوو کوردی مشۆم جە دژو هێڵۆو داردەسەیی و خیانەتی هەڵوێس نیشانە بڎۆ، هەرپۊکەی ئی هۆرچنیەیە فرە گرنگا.
کەجەکە ئەرەیاۋناش، "گەلی وڵاتپارێزنو کورڎەسانی مشۆم چی هۆرچنیەینە پەشتیوانی جە هێز و کاندیدە وڵاتپارێز، دیموکراتیک و نەتەوەییەکا بکەرا و سەرو ئا بنەمایۍ هەڵوێس نیشانە بڎا. مشۆم دژو پەدەکەی و بارزانییەکا کە نوێنەرایەتی هێڵۊو داردەسەیی و خیانەتینۍ، پەشتیوانی جە کاندید و هێزە نیشتمانپەروەرەکا بکریۆ. ئەنجامەکۍ پەی رزگارکەردەی پانیشتوو کورڎەسانی و تەمامو کورڎەسانی چێرو چەپۆکەو ئەرەگیری و قڕکەردەینە و پەی وەڵێوستەی سیستمێوە دیموکراتیک و ئازادیوازی، فرە گرنگ بۆنە.
کەجەکە هەرپاسە داواش جە کاندید و هێزە وڵاتپارێزنەکا کەردەن خاوەنداری چا هەڵوێسەو گەلوو کورڎەسانی بکەرا و جە دژو هێڵۆو داردەسی و خیانەتکاری، هێڵۆو وڵاتپارێزنی و بنەما دیموکراتیکەکا بە بنەما بگێرا و پی جۆرە کۆشش بکەرا.
دەقو ئەرەیاۋناکەو کەجەکەی پی جۆرەنە:
پېسە مزانیۆ جە ٢٠/١٠/ ٢٠٢٤ینە هۆرچنیەو پەرلەمانی جە پانیشتوو کورڎەسانینە ملۆڕاوە. جە قۆناغێوەنە کە جە ۋەرکۆتوو مېیامینینە فاڕیایۍ گرنگۍ ڕووە مڎا، هۆرچنیەی جە پانیشتوو کوردەسانینە ئەنجام مڎریۆ و ئینە هەم پەی پانیشتوو کورڎەسانی و هەم پەی گرڎو کورڎەسانی گرنگا. سەرو بنەماو دیزاینکەردەیۆ ۋەرکۆتوو مېیامینی، گەشەئەسایەکۍ زیاڎۍ با، هێزە ئەرەگیر، کۆڵۆنیالیست، قڕکەرۍ و دژمنا کوردی پەی ئانەی دەسەڵاتو ۋێشا سەرو کورڎەسانی درێژە پنەبڎا و ڕا جە ئازادیی گەلوو کوردی بگێرا، گەرەکشانە ئی پرۆسەیە بە شەپۆلێوە تازۍ قڕکەردەی تەمام بکەرا و قڕکەردەو کوردا بیاونا ئەنجام. دژو ئی پیلانە مەترسیڎارۍ فرە گرنگا کە گەلەکەما سەرو هێڵۊو وڵاتپارێزنیی یۆبیەی نەتەوەیی ۋێش وەڵۍ وزۆ و سەرو ئی بنەمایۍ ئەرەکۆشای گۆرە بکەرۆ. مشۆم ڕوانگەو گەلەکەیما و هێزە وڵاتپارێزنەکا جە ۋەرا ۋەرو گرڎو ڕوودایەکانە سەرو ئی بنەمایۍ بۆ. هۆرچنیەو پەڕلەمانو پانیشتوو کورڎەسانی کە جە ٢٠/١٠/٢٠٢٤ینە ملۆڕاوە، مشۆم سەرو ئی بنەمایۍ بە جددی هۆربگیریۆ و بەپاو ئینەی نزیکایەتی بکریۆ.
گەلوو کورڎەسانی و هێزە وڵاتپارێز، دیموکراتیک و شۆڕشگێڵنەکا جە دژو هێزە قڕکەر، کۆڵۆنیالیست و ئەرەگیرەکا و هێزە هامکارەکاشا و خیانەتکارا، مڎرامانۍ گۆرەشا نیشانە دان. سەرەڕاو گرڎو یاردەی هێزەکا بەری و خیانەتو هامکارەکاشا، هێزە جینۆسایدکەر، کۆڵۆنیالیست و ئەرەگیرەکا جە ۋەرا ۋەرو مڎرامانوو گەلوو کورڎەسانی وڵاتپارێزنینە تا ئیساتۍ ئەنجامشا نەگێرتەن.
پەدەکە و بارزانی جە کورڎەسانەنە بیێنۍ بە هێزێوە کە سەرمەشقی پەی هێڵۊو هامکاریی و خیانەتی مکەرا. پەدەکە و بارزانییەکۍ نەک تەنیا جە پانیشتوو کورڎەسانینە، بەڵکم جە گرڎو پارچەکا کورڎەسانینە خیانەتی داردەسەییشا وەڵێوستەن و بیێنۍ بە بەشێوە جە قڕکەردەو گەلوو کوردی. جە هرووژمەکا سەرو ۋەرنیشتینە پەشتگیریی دۆڵەتو تورکی مکەرۆ و بیەن بە هامکارش. هرووژمەکۍ سەرو گەلەکەیما جە کامپو پەنابەرا مەخمووری و جابەجێنەکەردەیی داواکارییە ڕەوا و دیموکراتیکەکا گەلەکەیما جە شنگالەنە، ئەنجامو ئی سیاسەتو هامکاریی و خیانەتەینە. جە سەرنیشتوو کورڎەسانینە گرڎو ئەرەمەرزیا (کۆنتراکۍ)جاشەکۍ کە چنی دژمنی ئینۍ پەیوەندینە و هرووژم مکەرا سەرو ئەرەکۊشای ئازادیی، پەشتی بە پەدەکەی و بارزانییەکا بینانە. ئینۍ گرڎ نیشانەش مڎا کە پەدەکە و بارزانییەکۍ هێچ عیلاقێوەشا بە کوردایەتی و دۆزو کورڎەسانیۆ نییا و بە پێچەوانۆ بیێنۍ بە بەشێوە جە سیاسەتو دژ بە گەلوو کوردی و تۆڕێوەنۍ کە جە چوارچێوەو بەرژەوەندینە چنی دژمنی گرڎ جۆرە عیلاقێوە پێک مارا.
پەدەکە و بارزانی هێزێوەنۍ کە ئامێنۍ سەرو ئەرەکۊشای گەلوو پانیشتوو کورڎەسانی و بۆنەو بەرژەوەندییەکا ۋێشاوە بازرگانیشا بە کوردایەتی و کورڎەسانیوە چنی دژمنی و هێزەکا بەریۆ کەردەن. خاوەنو زیهنیەتێوە دژە دیموکراتیک و دژە نەتەوەیینۍ. پی سیاسەت و زیهنییەتەیشاوە بیێنۍ بە گۆرەتەرین کۆسپ ۋەردەمو وەڵێکۊتەینە. بێگومان گرڎو دژمنا و هێزە تاریکەکا پەشتی بە پەدەکەی و بارزانییەکا بینا و سەرو کورڎەسانی و گەلوو کوردی پیلانەی گڵیاوە مجارە و سیاسەت مکەرا. جە کورڎەسانەنە جە گرڎ شۆنێنە هەڵوێس نیشاندای جە دژو هێڵۊو خیانەتی و هامکاریی پی جۆرە ئەرکی سەرەکی وڵاتپارێزنین. مشۆم گەلەکەما و هێزە نەتەوەیی دیموکراتیک و وڵاتپارێزنەکۍ جە گرڎ دەرفەتێنە ئی هەڵوێسەیە نیشانە بڎا. ۋەرو ئانەی فرە گرنگا کە گەلەکەما جە هۆرچنیەو ٢٠/١٠/٢٠٢٤ینە جە دژو هێڵۊو خیانەتی و هامکاری هەڵوێسێوە قەوەت نیشانە بڎا. گەلی وڵاتپارێزنو کورڎەسانی مشۆم چی هۆرچنیەینە پەشتیوانی جە هێز و کاندیدە وڵاتپارێز، دیموکراتیک و نەتەوەییەکا بکەرا و سەرو ئا بنەمایۍ هەڵوێس نیشانە بڎا. مشۆم دژو پەدەکەی و بارزانییەکا کە نوێنەرایەتی هێڵۊو داردەسەیی و خیانەتینۍ، پەشتیوانی جە کاندید و هێزە نیشتمانپەروەرەکا بکریۆ. ئەنجامەکۍ پەی رزگارکەردەی پانیشتوو کورڎەسانی و تەمامو کورڎەسانی چێرو چەپۆکەو ئەرەگیری و قڕکەردەینە و پەی وەڵێوستەی سیستمێوە دیموکراتیک و ئازادیوازی، فرە گرنگ بۆنە.
گەلەکەمان مشۆم جە هۆرچنیەو ٢٠/١٠/٢٠٢٤ینە سەرو ئی بنەمایۍ هەڵسوکەوت بکەرۆ و ئیراڎەو ۋێش بە شێوێوۍ قەوەت نیشانە بڎۆ. مشۆم هێزە وڵاتپارێزنەکۍ خاوەنداری چا هەڵوێسەو گەلوو کورڎەسانی بکەرا و جە دژو هێڵۆو داردەسی و خیانەتکاری، هێڵۆو وڵاتپارێزنی و بنەما دیموکراتیکەکا بە بنەما بگێرا و پی جۆرە کۆشش بکەرا.
