بۆ شەڕڤانانی شەهید لە کۆبانێ رێورەسمی بەخاکسپاردن ئەنجامدرا
تەرمی شەهید سینان عەلی و شەهید عوسمان مەحمود بە بەشداری سەدان کەس لە کۆبانێ بە مەراسیمێک بەخاکسپێردرا.
تەرمی شەهید سینان عەلی و شەهید عوسمان مەحمود بە بەشداری سەدان کەس لە کۆبانێ بە مەراسیمێک بەخاکسپێردرا.
بە بەشداری سەدان دانیشتوانی هەرێمی فورات و ئەندامانی هیزەکانی ناوخۆ تەرمی شەهید سینان محەمەد عەلی کە ٢١ی ئەیلول شەهید بوو و شەڕڤانی هێزەکانی ئەرکی خۆپاراستن عوسمان مەحمود لە گۆڕستانی شەهید دیجلەی کۆبانێ بەخاکسپێردران.
رێورەسمەکە بە قسەکانی محەمەد شاهین هاوسەرۆکی ئەنجومەنی بەڕێوەبەری هەرێمی فورات دەستیپێکرد.
شاهین رۆڵی شەهیدا لە پاراستنی ئاسایش و ئارامی هەرێمەکە بەرز لەقەڵەمدا و وتی، "رێگری بەردەممان ئەوەیە کە دەوڵەتە داگیرکەرەکان رێگە نادەن لەم وڵاتەدا بە ئارامی بژین. منداڵانمان کۆمەڵکوژ دەکرێن. ڕۆڵەکانیشمان بۆ پاراستن و ئارامی گیانیان بەخت دەکەن."
شاهین وتیشی، " هەر کەسێک لەم هەرێمە بەپێی هێزی خۆی تیدەکۆشێت، لەبەرئەوەی پێویستی شۆڕشمان بەمە هەیە. زنجیرەکانمان شکاند و وتمان ژیانی شکۆمەندانە یان شەهیدبوون."
محەمەد عەزیز ئەندامی بەڕیوەبەری هیزەکانی ئاسایشی ناوخۆی منبجیش قسەی کرد و وتی، " ئێمە سەرمان لەبەرانبەر هیچ کەسێک دانانەوێنین و سەربەرزین. ئەوانەی دوژمنایەتی ئێمە دەکەن پێویستە بزانن کە لەسەر رێچکەی شەهیدانمان دەبین."
لە کۆتاییدا ناسنامەی هەردوو شەهیدەکە خوێندرایەوە و تەرمی شەهیدان رادەستی خانەوادەکانیان کرایەوە.
تەرمی شەهیدان لە گۆڕستانی شەهید دیجلە بەخاکسپێردران.
ف.ق