لە دژی هێرشە داگیرکارییەکانی دەوڵەتی تورک و چەتەکانی لەسەر بەنداوی تشرین، بەرەبەیانی ئەمڕۆ لە حەوت شارەوە بەمەبەستی بەشداربوون لە ئێشکگری بەرخۆدانی تشرن، گەل بە جۆشەوە بەڕێکەوت.

لە نێو کاروانی گەلدا چەندین هونەرمەند، ڕۆشنبیر و نوسەر هەیە و بە ئیرادەی خاوەندارییەوە بەشدارن.

دەوڵەتی تورکی داگیرکەر لە ٨ی کانوونی یەکەمەوە لە هێرشی سەختی سەر بەنداوی تشریندایە، گەلانی باکوور و ڕۆژهەڵاتی سووریا لە دژی ئەو هێرشانە بۆ پاراستنی بەنداوەکە لە بەنداوی تشرینن.

لە سەرەتای چالاکی ئێشکگرییەوە تا ئێستا دەوڵەتی تورکی داگیرکەر هێرشی سەر هاوڵاتییانی مەدەنی چالاکییەکە دەکات. لە نێوان ٨ بۆ ٣٠ی کانوونی دووەم بە لانی کەمەوە ٢٤ کەس شەهید بوون و ٢٢١ی دیکەش بریندار بووە بە هۆی ئەو هێرشانەوە.

لە بەرانبەردا گەل بەوپەڕی مۆراڵ بەرزییەوە ڕوو دەکەنە بەنداوەکە و پەیامی پاراستنی بەنداوەکە  و پشتیوانی هێزەکانی قەسەدە و یەپەژە دەدەن.