ناوەندی راگەیاندن و چاپەمەنی یەپەگە بە راگەیەندراوێک شەهیدبوونی شەرڤانێکی خۆی راگەیاند.

لە سەرەتای راگەیەندراوەکەدا هاتووە، "لە تشرینی ٢٠١٩دا لە دژی هێرشە داگیرکەرییەکانی دەوڵەتی تورکی داگیرکەر بۆ سەر سەرێکانی و گرێ سپی هاورێمان پێشەوا سۆرانی کە یەک لە رۆڵە قارەمانەکانی گەلەکەمان لە باشوری کوردستانە، لەپێناو پاراستنی دەستکەوتەکانی شۆڕشی رۆژئاوا بە رۆحی نەتەوەیی و سەفەربەری بەشداری لە ریزەکانی شۆڕشدا کرد. لە دژی سوپای تورکی داگیرکەر و چەتە میلیشیاییەکانی هێڵی بەرخودانی بە بنەما گرت و هەڵوێستی خۆڕاگرانەی نیشاندا. لەکاتی هێرشەکانی سەر سەرێکانی و گرێ سپی پەڕیەوە بۆ کۆبانێ و لە ئەنجامی رووداووێکدا لە رێکەوتی ٩ی شوباتی ٢٠٢٠ شەهیدبوو. ئەگەرچی شەهیدبوونی هاوڕێیانمان لە ئەنجامی رووداوی بەو جۆرە بۆ ئێمە دژوارترین دۆخە، بەڵام تێکۆشان ئەوان هەموو کات ئێمە لەسەر پێ رادەگرێت و ئەوە بە بنەما دەگرین. بەو بۆنەوە ئێمە هاوڕێمان پێشەوا سۆرانی بەرێز و پێزانینەوە یاددەکەینەوە".

لە درێژەی راگەیەندراوەکەدا هاتووە، "هاورێمان پێشەواش شوێنکەوتووی ئەو هاوڕێیانەی خۆی بوو کە پێشتر هاتن و بە گیانبازی گەورە و بەرخودانی بێهاوتا لەپێناو ئازادی گەلی کورد و پاراستنی دەستکەوتەکانی شۆڕشی رۆژئاوا شەهیدبوون. بە تێکۆشانیان خۆیان وەک نمونەیەکی بەرچاوی رۆحی یەکێتیی نەتەوەیی و یەکێتیی گەلی کورد سەلماند. بەپێچەوانەی زۆر کورد، لەو کاتەی وڵاتەکەی و گەلەکەی لە مەترسیدابوون، وەک گەنجێک ئاگاداری بەرپرسیارێتی نەتەوەیی خۆی بوو و بڕیاریدا کە لەو شوێنە بێت کە پێویستە لەوێ بێت. ئەو هەڵوێستەی دەبێت بۆخۆمانی بە نمونە وەربگرین، هەڵوێستی هاوڕێ پێشەوا و خۆشەویستی ئەوە بۆ گەلەکەی. جارێکی دیکە بەڵێن دووپاتدەکەینەوە کە بێ جیاوازی لە نێوان ئەو گەلانەی لە هەرێمەکەدا دەژین، ئێمە وەک هاوڕێمان پێشەوا بە رۆح و بڕوایەکی شۆڕشگێرییەوە تێبکۆشین. سەرەخۆشی لە بنەمای بەنرخی هاوڕێ شەهیدەکەمان و هەموو گەلە وڵاتپارێزەکەمان دەکەین".

ناسناو: پێشەوا سۆرانی

ناو و پاشناو: شڤان محەمەد ئەمین

ناوی دایک: تارا

ناوی باوک: خالید

شوێنی لەدایکبوون: سلێمانی

شوێن و کاتی شەهیدبوون: کۆبانێ- ٩ی شوباتی ٢٠٢٠