دوابەدوای شکستە یەک لە دوای یەکەکانی سوپای داگیرکەری تورکیا بۆ سەر عه‌فرین، دەوڵەتی تورکیا بۆ شاردنەوەی تاوان و شکستەکانی لە هەرێمی عەفرین، هەوڵی هاک کردنی ماڵپەڕی «ئانها» ده‌دات كه گه‌وره‌ترین ئاژانسی هه‌واڵه له ڕۆژئاوا.
ئاژانسی هه‌واڵی هاوار - ئانها، کە ڕووماڵی هەموو ڕوووداوەکانی رۆژئاوا و باکووری سووریا دەکات، تا ئێستا ٤ په‌یامنێری لە بەرەکانی شەڕدا لە رۆژئاوا شەهید بووە.
هه‌ر له دوای ده‌ستپێكردنی هێرشه داگیركارییه‌كه‌ی توركیا بۆ سه‌ر عه‌فرین، ئانها ڕووماڵی به‌رفره‌وانی هێرشه‌كانی توركیا و به‌رخۆدانی گه‌لی عه‌فرین ده‌كات. به‌و هۆیه‌وه له چه‌ندین لاوه هه‌وڵی هاك كردنی ماڵپه‌ڕی ئاژانسه‌كه ده‌درێت.
جێگه‌ی باسه، له ڕۆژانی ڕابردووشدا هێرشی ئه‌لكترۆنی كرابوویه سه‌ر ماڵپەڕی ئاژانسی هه‌واڵی ڕۆژ و هاک كرا، به‌ڵام دوای چەند کاتژمێرێك ماڵپه‌ڕه‌كه به‌ده‌ستهێنرایه‌وه.
ك. ش
