چه‌ند وێنه‌یه‌ك له به‌ره‌ی شه‌ڕی دێره‌زۆر
هێزه‌كانی سووریای دیموكراتیك (قه‌سه‌ده) شه‌ڕێكی سه‌خت ده‌كه‌ن بۆ ئه‌وه‌ی چه‌ته‌كانی داعش له ناوچه‌ی هه‌جین-ی دێره‌زۆر ده‌ربكه‌ن.
قۆناغی دووه‌می هه‌ڵمه‌تی قه‌سه‌ده كه له چوارچێوه‌ی «شه‌ڕی نه‌هێشتنی تێرۆر»دا به‌ڕێوه‌ده‌چێت، ١٠ی ئه‌یلوولی ٢٠١٨ ده‌ستی پێكرد. چه‌ته‌كانی داعش له چه‌ند شوێنێكی سه‌ر سنووری عێراق و سووریا گیریان خواردووه.
هه‌ڵمه‌ته‌كه له لای ڕۆژهه‌ڵاتی چه‌می فورات به‌ڕێوه‌ده‌چێت. له‌و ده‌ڤه‌ره شارۆچكه‌كانی هه‌جین، شافا، سووسه و باغۆز هه‌ن. هه‌جین دواهه‌مین شوێنه كه له ده‌ستی چه‌ته‌كانی داعشدا ماوه، له‌به‌رئه‌وه‌ش گرینگی زۆره.
ڕه‌شه‌با و تۆز و خۆڵ كه جار جار هه‌ڵده‌كات، كاریگه‌ری له پێشڕه‌ویی شه‌ڕڤانانی قه‌سه‌ده و پشتیوانیی ئاسمانیی هێزه‌كانی هاوپه‌یمانان كردووه. چه‌ته‌كانیش سوود له‌م دۆخه وه‌رده‌گرن و هه‌وڵی هێرشكردن ده‌ده‌ن.
چه‌ند وێنه‌یه‌ك كه له لایه‌ن په‌یامنێرانی ئاژانسی هه‌واڵی فورات (ANF) گیراون، هه‌لومه‌رجی سه‌ختی شه‌ڕ له‌و ده‌ڤه‌ره پیشان ده‌ده‌ن.
خۆڵبارین و ڕه‌شه‌با وه‌ها ده‌كات كه مرۆڤ نه‌توانێت به‌رده‌می خۆی ببینێت. له‌به‌رئه‌مه ژماره‌یه‌كی زۆری شه‌ڕڤانان له‌نێو تۆز و خۆڵدان و ناچارن ڕووی خۆیان دابپۆشن.
سه‌ره‌ڕای هه‌لومه‌رجی سه‌ختی شه‌ڕ، شه‌ڕڤانێك دانه‌وێڵه ده‌داته كۆتره‌كان.
شه‌ڕڤانانی ژن و پیاو چه‌كی خۆیان پاك ده‌كه‌نه‌وه، فیشه‌كی ڕۆكێت جێگیر ده‌كه‌ن و ڕوو له به‌ره‌كانی شه‌ڕ ده‌كه‌ن.
له هه‌ڵمه‌ته‌كه‌دا (هه‌ڵمه‌تی گه‌رده‌لوولی جزیر) یه‌كینه تیمه‌تایبه‌ته‌كانی قه‌سه‌ده هه‌ن كه ڕوویان داپۆشیراوه.
s.m
