بنەیانەکۍ بە مەبەسوو لوای پەی ئیمراڵی داواکارییشا وست ڕوو
بنەیانەو ڕابەروو گەلوو کورڎی عەبدوڵا ئۊجالان و زینڎانییاو تەروو ئیمراڵی، کە ئینۍ گۊشەگیریێوە دژوارنە، بە مەبەستوو دیداری داواکارییشا وست ڕووە.
ڕابەروو گەلوو کورڎی عەبدوڵا ئۊجالان ماوەو یەرۍ ساڵان بە حیچ نۊعێوە هەواڵش مەزانیۊ. ئارۊ محەمەد ئۊجالان براو ڕابەروو گەلوو کورڎی عەبدوڵا ئۊجالان و پارێزنەرەکەش مەزڵوم دینچ ئینجا براو عومەر خەیری کۊناری، عەلی کۊنار، براو حامیلی یەڵدرمی پۊلات یەڵدرم و واڵۍ وەیسی ئاکتاشی مەلیحە چەتینە، بە مەبەستوو دیداری داواکارییشا پێشکەش بە داواکاریی گرڎینوو کۊماری بورسانە و ڕاوەبەرایەتیی زینڎانوو ئیمراڵی کەرڎ.
بنەیانەکۍ جە ڕاو داواکاریی گرڎینوو کۊماری بورسایۊ داواکارییشا یاونا ڕاوەبەرایەتیی لەقوو جابەجکەرڎەی سزۍ، جە زینڎانوو جۊری ئێفی بە ئاسایشوو باڵاو ئیمراڵی.
٣ ساڵێن حیچ هەواڵێوە ڕابەروو گەلوو کورڎی عەبدوڵا ئۊجالانی مەزانیۊ، دمایین جار عەبدوڵا ئۊجالان جە ٢٥وو ئاداروو ٢٠٢١ تاوابێش بە تەلەفون چەنی محەمەد ئۊجالانی برایش پەی چنڎ دەیەقێوە قسۍ کەرۊ. لاێوە تەریچۊ پارێزنەرەکێش جە ئابوو ٢٠١٩یۊ نەتاوانشا بلا ئیمراڵی.
س.ز
