نوێنەری باسک لە پەرلەمان، بارێنا ڕایگەیاند کە پەکەکە "هەنگاوێکی بوێرانە و گرنگی بۆ ئاشتی ناوە"، گوتی: "ئێستە کاتی ئەوەیە تورکیا و یەکێتیی ئەوروپا بۆ ئازادی عەبدوڵا ئۆجالان و دەرهێنانی پەکەکە لە لیستی تیرۆر، بەرپرسیارێتی خۆیان جێبەجێ بکەن".
ئەندامی باسکی (EH BILDU)ـی سەر بە فراکسیۆنی چەپی (GUE/NGL) لە پەرلەمانی ئەوروپا لە هەژماری خۆی لە میدیای دیجیتاڵ پەیامێکی ڤیدیۆیی بڵاوکردەوە، هاشتاگی #FreeÖcalan #BijiKurdistan ـی بڵاوکردەوە و لە چوارچێوەی بڕیارەکانی کۆنگرەی ١٢ هەمینی پەکەکە، ئەم بانگەوازەی لە یەکێتیی ئەوروپا و تورکیا کرد:
"ئەو هەنگاوەی لەلایەن پەکەکەوە نرا، بۆ ئاشتی و ئارامی هەرێمەکە، هەنگاوێکی بوێرانە و گرنگە. ئێستە دەبێت تورکیا و یەکێتی ئەوروپا بۆ ئازادی عەبدوڵا ئۆجالان و دەرهێنانی پەکەکە لە لیستی تیرۆر، بەرپرسیارێتی خۆیان جێبەجێ بکەن".
