زانیا کە جەنازەو یەرۍ گەریلایا ئازادیی کوردسانی، کە ١٢و ئادارینە جە ئەنجاموو هجووموو دەوڵەتوو تورکینە پەی سەروو مەنتێقەو عومەرییەی گەشمەرڎۍ بیۍ، بۍ ئانەی بە بنەیانەکاشا وچیۊ قەبرسانوو بێکەسانە بەخاکی ئسپاریێنێ.

بنەیانەو گەریلاو هەپەگەی "عەلی ئاکدۊغان" کە گەشمەرڎە بییەن، سەروو داواکاری گرڎینیشا دا. ئەرەیاونیا کە بنەیانەکە گەرەکشا وشکنای دی ئێن ئەی کەرۊ و داواکاری گرڎینوو کۊماروو مێرڎینیچ بە بنەیانەکەیش واتەن "لوودۍ چەمەڕوانۍ ئەنجامەکەیش بیدێ".

بە بنەیانەکەی وچیان کە مشۊم شش مانگۍ چەمەڕوانۍ ئەنجاموو وشکنای دی ئێن ئەی-یەکەی با

ئەرەیاونیا کە بە بنەیانەکەی وچیان، کە شش مانگۍ دماتەر نۊرەشا مۍ پەی وشکنای دی ئێن ئەی، وەروو ئانەی هەرمانەی وەڵینۍ تاقیگەکا پەی بنەیانەو قوربانییاو بوومەلەرزەکەی بۊ.

پەی ئێشیاونای بنەیانەکەی

بنەیانەکە کاردایۊشا نیشانە دا کە چی تۊماروو کوڕەکەیشا خەسەخانەکەنە هەن، وەلۍ جەنازەکەشا مەڎاوە و واتشا: 'پەیوەندییشا پۊوە نەکەرڎینمۍ و نیانشا. ئا گردحەوڵێما دۍ و حیچ. پەی ئێشوو ئێمە، جە قەبرسانوو بێکەسانە نیانشا، جە وەختێوەنە ئشناسنامە و ناموونیشانش وێزیانۊ، چی بێپەرسەو بنەیانەی ، نیانشا".

بنەیانەکە دماو ئانەی لوۍ پەی قەبرسانوو بێکەسا، کە زاناشا جەنازەو کوڕەکەیشا چا نریان، لوێوە پەی وانی.

س.ز