گێڵایۆ پۍ شەنگالی بەردەواما

وەزارەتوو کۆچ و کۆچبەرا عێراقی بە ئەرەیاۋنێوە ئەرەیاۋناش جە چوارچێوەو چۆڵکەردەی کامپەکا پەنابەرانە جە پانیشتوو کوردسانی، ئارۆ بە هامکاری ڕیکوزیاو میان نەتەوەی کۆچبەرا، ٣٢٠ کۆچبەرۍ ئێزیدیۍ جە کامپوو کیبارتۆی دهۆکیوە گێڵێنێوە پۍ ماواو ۋێشا جە شەنگالەنە.

حەر چا ئەرەیاۋناینە ئامانان: "بە قەراروو سەرۆک وەزیرانوو عێراقی، هامکاری دارایی ئا خێزانا کەرۆ کە گێڵاوە. حەرپاسە هەرمانەکۍ وەزارەتی پۍ گێڵایۆ پەنابەرا تا ٣٠ی تەمووزی بەردەوامۍ با."

وەزارەتوو کۆچ و کۆچبەرا هێزی ئەرەیاۋناش؛ ٧٩ بنەیانۍ ئێزیدیۍ جە کامپەکا دهۆکیوە گێڵێنۍ پۍ شەنگالی. حەرپاسە وەزارەت ئەرەیاۋنانش ئا کۆچبەرۍ سەروو داواو ۋێشا گێڵێنێوە، ئا کەسۍ کە داوای گێڵایۆ کەرا متاوا گێڵاوە پۍ شەنگالی.

حەرپاسە ئانەش ئاشکرا کەردەن، ڕووانە نامۍ ئا کەسا تۆمار کریۆ کە گەرەکشانە گێڵاوە.