شێخ ئەحمەد حەمۆ یۆن جا وڵاتپارێزا کە ساڵەو ٩٠ کانە نزیکیۆ چەمش بە ڕابەر ئاپۆی کەوتەن، باسش جە دەور، گرنگی و کاریگەرییەکێ ڕابەر ئاپۆیش کەردێ سەرو گلێرگەو کوردی و گرڏو گەلا چێر دەسی.

.

شێخ ئەحمەد حەمۆ ئاماژەش بە ستەمو دۆڵەتو ئەرەگیرو تورکی دا پانەی هەرکەسێ داواو ئازادی بکەرۆنە پەی پارێزناو گەلەکەیش دژو دەسەڵاتی و ستەمی مرڏۆوە، بە نامێ تیرۆر دادگایی کریۆنەو و سزا دریۆنە.

شێخ ئەحمەد حەمۆ واتش: "ڕابەرایەتیما پێسەو پێغەمبەرێوە چانەن. پێغەمبەرێ کەسانێنێ کە پەی گەلی پڕۆژەشا هەن. ئاڏێ ئەوەکۆشای پەی گەلەکەیشا مکەرا. ڕابەر ئاپۆ جە پارێزنامەکاشەنە پڕۆژێوش پێشکەش کەردەن کە گرڏو گەلا جە وێش گێرۆنە. حکومەت جەلە پرۆژەو نەتەوەی دیموکراتیکی تەرسۆنە. پۆکەی پیلانگێڵی مییاننەتەوەییشا دژو ڕابەر ئاپۆی دەس پنەکەردەن. پۆکەی تەرسیشا جە ویرۆکەکێ ڕابەر ئاپۆی بێنێ. بە دیل گێرتەو ڕابەر ئاپۆی، ئامانجشا ئانە بێ کە دۆزو کوردی ١٠٠ساڵێ تەر دما وزا. بەڵام بە پێچەوانۆ ڕۆ بە رۆ هەزاران کەسێ خاوەنداریشا جە ڕابەر ئاپۆی کەرد.

هەرپاسە فرە چالاکییێ فیداییانێ ئەنجامدریێ. بە دەیان کەسێ ئێرشا جە جەسەو وێشا وەردا و دژو پیلانگێڵی مردێوە. ئێمە پێسەو گەلوو کوردئ جە کەسایەتی ڕابەر ئاپۆدپینە بە دیل گیرییایمێ، پۆکەی بە ئازادی ڕابەر ئاپۆی ئازادێ بیمێ.

.

کڕێڵو چارەسەری ڕابەر ئاپۆن

حەمۆ یاڏش وستیمێ کە دۆزو کوردی قەد دمایش نمێ و واتش: "کڕێڵو چارەسەری گرڏ کێشەکا  ئینا لاو ڕابەر ئاپۆیۆ، مشۆم ئیتر ئازادیی جەسەیی ڕابەر ئاپۆی مسۆگەر کریۆنە. پەی ئانەیچ مشۆم ئەوەکۆشایما بەرز کەرمێوە و ئازادی جەسەیی ڕابەرایەتیما مسۆگەر کەرمێنە."