ئەمڕۆ شاندی دەم پارتی ئیمڕاڵی، كە لە حەوت کەس پێکهاتووە، بۆ جاری سێیەم دیدار لەگەڵ ڕێبەر ئاپۆ ئەنجام دەدەن و شاندەکە لە هەریەكە لە سری سورەیا ئۆندەر و پەروین بوڵدان، هاوسەرۆکانی گشتی دەم پارتی تولای حاتەم ئۆغۆللاری و تونجەر باقرخان، ئەحمەد تورک، پەرلەمانتاری دەم پارتی ئیستەنبوڵ جەنگیز چیچەک و پارێزەری نووسینگەی یاسایی سەدە فایەق ئۆزگور ئەرۆل پیکدێن.

شاندەکە دوای کۆبوونەوەکە کاتژمێر ١٧:٠٠ لە ئیستەنبوڵ ڕاگەیاندراوێکیان دەبێت، لە ڕاگەیەندراوەکەدا شاندەکە پەیامی ڕێبەر ئاپۆ ڕادەگەیەنێت و ڕاگەیاندنەکە ڕاستەوخۆ و لەسەر شاشەی گەورە بڵاودەکرێتەوە.

لەو چوارچێوەیەدا وەک زۆرێک لە شارەکانی دیکەی کوردستان و تورکیا پەیامە مێژووییەکەی ڕێبەر ئاپۆ لە کامپی پەنابەرانی مەخموور لەسەر شاشەیەکی گەورە نیشان دەدرێت.