فەرماندەو گرڎینو قەسەدەی مەزڵوم عەبدی ئەرەیاۋناش ئەر جە ما بەینو پەکەکەی و تورکیاینە ئاشتی بۍ ئاراوە، ئینە کاریگەری ئەرینیش سەرو هەرێمەکەیما بۆنە و واتش: " ئەر پرۆسەکە سەرکەوتە بۆ، تورکیا هیچ بەهانێوەش نمەمەنۆ پەی هرووژمکەردەی سەرو هەرێمەکەیما".
فەرماندەو گرڎیی قەسەدەی مەزڵوم عەبدی جە ڕاو زوومیوە بەشداریش کەرڎ جە کۆنگرێوە ڕۆنامەنوویسی جە گرووپو ئەرەیاۋنای نەتەوەیی واشینتۆنی و دەربارەو ئاژەو سوریای و سەرنیشت و ۋەرکۊتوو سوریای و بانگەوازە تاریخیەکەو ڕابەر ئاپۆی قسێش کەردۍ.
مەزڵوم عەبدی واتش: "بانگەوازەکەو ئێژا ئۆجالانی پەی پەکەکەی و گەریلاکا پەکەکەین. ڕاسەوخۆ پەی هەرێمەکەو ئێمە نەبۍ. ئا پەیامەی پەی پانیشتوو کوردەسانی و ناوچەکا تەریش کیاست، پەی ئێمەیچش کیاست".
عەبدی ئەرەیاۋناش پەیامەکەو ڕابەر ئاپۆی بانگەوازو ئاشتی و پێشئامایۍ ئەرێنییا و واتش، ئەر سەرگێرۆ دیموکراسی جە تورکیانە زیاتەر بەرەو وەڵۍ ملۆ.
مەزڵوم عەبدی جە درێژەنە واتش: " ئەر جە مابەینو پەکەکەی و تورکیاینە ئاشتی بۍ دی، ئینە کاریگەری ئەرینی سەرو هەرێمەکەیما مکەرۆ. ئەر پرۆسەکە سەرگێرۆ کاریگەری ئەرێنی پەی ئێمە مەبۆ و ئا کاتە تورکیا هیچ بەهانێوەش نەمەنۆ پەی هرووژمکەردەی سەرو هەرێمەکەیما".
