دماو بوومەلەرزەکەی تورکیا، گەلو سەرنیشتی و وەرکەوتو سوریا بۊ ورگێرتەی زانیاری دەربارەو ڕابەرو گەلو کوردی عەبدوڵا ئۊجالانی، لوۍ دلۍ مەیدانەکا.

هیزی شارەکاو قامیشلۊ و دێرک ڕاپیمای جەماوەری کریا و ئارۊیچ مەنتیقەکای تەرو سەرنیشت و وەرکەوتو سوریاینە چالاکی کریا.

ئەرەنیشتاو مەنتیقەو چلاغای سەر بە کانتۊنو قامیشلۊی بە بەشداریی ئەرەنیشتاو مەنتێقە و شارۊچکەکاو دەوروبەر و ئەنداماو ڕێکوزیا مەدەنییەکا و مەجلیس و نوێنەرا کۊنگرەو ستاری و تەڤگەرو گەنجە شۊڕشگێڵناو سوریای و یۊبییەی ژەنە گەنجا ڕاپیماێوەشا کەرد.

ڕاپیمایەکە جە مەیدانو ژەنۍ ئازادێنە وەرنیشتو مەنتێقەکەینە دەسش پەنە کەرد، کە دروشمو "بژیوۊ سەرۊک ئاپۊ" بەرز کریاوە. ڕسمەکاو ڕابەرو گەلو کوردی عەبدوڵا ئۊجالانی و پانکارتەکۍ بە نویستەی "گەرەکمانە  پارێزنەرۍ بە زووتەرین وەخت سەرۍ ئیمراڵی بدا" بەرزۍ کریێوە.

ڕاپیمایەکا جە چوارڕیانو گەشمەردە مەعسومینە فاڕیا پەی کۊبیەیوە و هامسەرۊکو مەجلیسو پەیەدەی مەنتیقەو چلاغاینە، عەبدولسەلام عەباس قسێش کەردۍ.  

عەباس باسو تاوانەکاو دەوڵەتو تورکیش کەردۍ دژو ڕابەرو گەلو کوردی عەبدوڵڵا ئۊجالانی و بێدەنگیی ڕێکوزیا یاساییەکاش شەرمەزار کەرد، داواش کەردە کە دەمودەس پارێزنەرۍ و بنەیانەکۍ سەردای کەرا.  

هەرپاسە ئەرەنیشتاو مەنتیقەو تەل حەمیسو کانتۊنو قامیشلۊی ڕاپیمایشا کەرد و درووشمو "بمرۊ ئەردۊگان"ی و "بە گیان بە ونی چەنیتنمۍ ئۊجالان"یشا بەرزۍ کەردێوە.

چالاکییەکەنە، ڕاوەبەرو مەجلیسو پەیەدەی تەل حەمیسنە، حەمادی ئەل حەویان، داواش وەنەو لە پێکئامایەکا کەردە وەراوەرو سیاسەتی و پیلانگێڵنییەکاو  دەوڵەتو تورکی دژو ڕابەرو گەلو کوردی عەبدوڵا ئۊجالانی و گەلاو هەرێمەکەی یەکدەسۍ با.

هەرپاسە ڕاوبەرو کۊنگرەو ستاری تەل حەمیس، ئەفرا عەباس، گۊشەگیریی تندو سەرو ڕابەرو گەلو کوردی عەبدوڵا ئۊجالانی و بێدەنگیی میاننەتەوەییشا شەرمەزار کەرد و واتش، گەلۍ باوڕشا بە فیکرو ڕابەرو گەلو کوردی عەبدوڵا ئۊجالانی هەن، درێژە بە کۊشیای مدا تا ئا وەختە ئازادیی جەستەیی مسۊگەر کەرا.  

 چالاکییەکەنە، سەرۊکو یۊبییەی مامۊستایاو تەل حەمیسی، زیاد بەتڕان، باسو گرنگیی ئازادیی جەستەیی ڕابەرو گەلو کوردی عەبدوڵا ئۊجالانیش کەرد، پەی گەلاو وەرکەوتی ناوینی و واتش، دەسەڵاتو تورکی مەتاوۊ فیکرو ڕابەرو گەلو کوردی عەبدوڵا ئۊجالانی بڕۊرە.

هامسەرۊکو مەجلیسو بنەیانەو گەشمەرداو تەل حەمیسی، ئەحمەد ئەلعەباوی هەرپاسە داواش جە ئەرەنیشتاو ئاگەیە کەرد، درێژە بە چالاکییەکاشا بدا و دژو سیاسەتو دەوڵەتو تورکی تا دماییئاردەی بە هەژموونو دەوڵەتەکەی و بەدیئاردەیی ئازادیی جەستەیی ڕابەرو گەلو کوردی عەبدوڵا ئۊجالانی.

مەنتێقەو تەل کۊچەرو هەمان کانتۊنینە ڕاپیماێوە کریا، کە بازاڕو مەنتێقەکەینە ئۊسا و هامسەرۊکو شارەوانیی گەلو تەل کۊچەری، عەلی عوبەید قسێش کەردۍ و ئامانجو ڕاپیمایەکەیش بەر وست. هەرپاسە داواش جە ڕێکوزیا مرۊیی و یاساییەکا کەرد، کە وەرپەرسبییەی وێشا وەراوەرو ڕابەرو گەلو کوردی عەبدوڵا ئۊجالانی بەیاگۍ بارا.

ئەندامەو کۊنگرەو ستاری، ئەمەل جیلودە، واتش تا ئازادی جەستەیی ڕابەرو گەلو کوردی عەبدوڵا ئۊجالانی، ژەناو هەرێمەکەی کۊشیا.   

هەرێمو فوراتی

ئەرەنیشتاو هەرێمو فوراتی بە ڕاپیماێوە جەماوەری گەرەکشابۍ ڕەوشو ڕابەرو گەلو کوردی عەبدوڵا ئۊجالانی ئاشکرا کریۊ و ئازادیی جەستەییش بۍ دی.  

ڕاپیماکەی بە دروشمو "سلامەتیی ڕابەر ئاپۊی وەرپەرسبیەێوە میاننەتەوەیین" لوا ڕاوە. بە بەشداریی سەدان کەسا و ئەنداماو دامودەزگاکاو ئیدارەو وێڕاوەبەری و پارتە سیاسییەکا، ڕاپیمایەکەی مەیدانو ژەنۍ ئازادێنە شارو کۊبانێنە دەسش پەنە کەرد. ڕاپیمایەکەینە ڕسمو ڕابەرو گەلو کوردی عەبدوڵا ئۊجالانی و درووشمو "بۍ سەرۊکی ژیوای مەبۊ"یشا بەرزۍ کەردێوە.

ڕاپیمایەکەی وەردەمو مەکتەبو گەشمەردە سەیدۊینە وەرنیشتو شارەکەینە مردا، ئەندامو دەسەو ڕاوەبەریی کۊنگرەو ستاری، ئارین کۊبانۍ، قسێش کەردۍ و واتش، کە گەلو سەرنیشت و وەرکەوت سوریای دماو ئا بوومەلەرزەیە کە ئیستەنبوڵنە ڕووەش دا، نیگەرانێنۍ جە ڕەوشو ڕابەرو گەلو کوردی عەبدوڵا ئۊجالانی. هەرپاسە بێدەنگیی میاننەتەوەییشا شەرمەزار کەرد.

داواش ونەو گرد لاێی کەردە کە پەی ڕابەرو گەلو کوردی عەبدوڵا ئۊجالانی بەیا مەیدانەکا.

مەنبەج

دەسوەڵیوزوو گەلی پەی ئازادیی عەبدوڵا ئۊجالانی مەنبەجنە، بە ئەرەیاوناێوە داواش وەنەو  ڕای گردینو دنیۍ کەردە، دەمودەس جووڵە کەرا و دەوڵەتو تورکی ناچار کەرا ڕەوشو ڕابەرو گەلو کوردی عەبدوڵا ئۊجالانی ئاشکرا کەرۊ وجوابوو داوایەکاو گەلی بدۊوە.

ساحەو ٤ نیسانینە  بە بەشداریی ئەندامو دەسوەڵیوزییەکەی و ئەندامای تەرو ئیدارەو وێڕاوەبەریی مەدەنی دیموکراتیکو مەنبەجی و دەوروبەری و پیاوماقووڵاو عەشیرەتەکا، ئەرەیاونایەکە ئەندامو دەسوەڵیوزییەکەی زەکەریا ئەلحەسەنی واناوە.