ڕانیەنە، ھجومەکەو تورکیای ئەرەگیری شەرمەسار کریا
جەماوەرو شارو ڕانیەی جە پانیشتوو کورڎسانی، ئیڎانەو ھجومەکەو دۊڵەتو ئەرەگیرو تورکیایشا کەرڎ پۍ سەرو تەیارەخانەو سلێمانی.
ناڕەزاییەکۍ گەلوو پانیشتوو کورڎسانی تامۍ فرەتەرۍ با سەرو ھجومەکەو دۊڵەتو ئەرەگیرو تورکی جە ٧ و نیسانیەنە پۍ سەرو تەیارەخانەو میان دۊڵەتیی سلێمانی.
پی بۊنۊ، بە بەشڎاری فرێۋە جە کەسایەتیا و مامۊسایا و چالاکا و هاموڵاتییا شارەکەی، چالاکیێۋە ناڕەزایی شارو ڕانیەینە ئەنجامدریا.
جە چالاکییەکەنە ئەرەیاۋنێۋە جە لایەن و "ستار ڕەسوڵ"یوە ۋنریاۋە. ستار ڕەسوڵ تەئکیدش کەرڎۊ، سەرزەنشت و ھجومەکا دۊڵەتو تورکیای ئەرەگیری مکەرا پۍ سەرو خاک و کورڎسانی، حەرپاسە ۋاتش: «بۊمبۋارانکەرڎەو تەیارەخانەو سلێمانی، ھجومېۋە تەرسناک و جەنگەرانەن دژوو یاسا دلېینەکا و میان دۊڵەتییەکا، چڕیەی جە گلېرگەی میان دۊڵەتی مکەرمۍ، صەڎا ھوربڕا دژوو ھجوم و دەسدرێژییەکا دۊڵەتو تورکیای و سزێۋە پێویس سەرو ئی دۊڵەتیرە سەپنانۍ».
ھ.ش
