ڕاپیماو سەرسنووری: سڵام ۋنەو پەیامەکەو ڕابەر ئاپۆی کریا
ناوچەو نسێبینینە بە دەیان هەزار کەسۍ جە دژو ئەرەگیریەکا بەرەو سنوورو قامیشلۆی ڕاپیمایشا کەرڎ. جە ڕاپیماکەینە سڵام ۋنەو پەیامەکەو ڕابەر ئاپۆی کریا.
دژو هرووژمەکا دۆڵەتو تورکی ئەرەگیری و چەتەکا سوپاو نەتەوەی سووریای پەی سەرو سەرنیشتی و ۋەرکۊتوو سووریای، چالاکی ئێشکگیری سەرسنوورو نسێبین-قامیشلۆی ٢١ ڕوێن بەردەواما.
بە بە شداری دەیان هەزار کەسا و نوێنەرا پارت و ڕێکوزیا مەدەنییەکا ماوەو ٢١ ڕوان چالاکی گۆشەگیری سەرسنووری دەسشپنەکەردەن. ئارۆیچ بە ڕاپیمایۍ ۋەرفراوان بە واتەیۆ درووشمەکا "بژیۋۆ مڎرامانوو ۋەرنیشتی"، "بژیۋۆ سەرۆک ئاپۆ" ڕاپیماکەی بەردەوام بی.
جە چالاکییەکەنە سڵام ۋنەو پەیامەکەو ڕابەر ئاپۆی کریا و جەختکریاوە سەرو ئانەی دلێینەو پەیامەکەی ویستو ئاشتیی و ئیرادەو دماییئاردەین بە جەنگی.
هەر جە چالاکییەکەنە یاڎو هەردووە ڕۆنامەوانو ئەرەیاۋنای ئازادی؛ نازم داشتان و جیهان بیلگینۍ کریاوە.
