ڕاپیمای بەرەو تشرین دەسش پنە کەردۆ
گەل کە جە هەرێمە جیا جیاکاو سەرنیشت و ۋەرکۊتوو سووریایۆ کۊتۍ ڕا، دماو هرووژمو فرۆکە بێ فرۆکەوانەکا بەرەو بەنداوو تشرینی کۊتۍ ڕا.
سەرسەعبو ئارۆی گەل جە چڼین ناوچۍ جیاوازێوە بەرەو بەنداوو تشرینی کۊتۍ ڕا.
دۆڵەتو تورکی هرووژمش کەرڎ سەرو قافڵەو گەلی کە جە هەرێمە جیاوازەکاوە بەرەو تشرین لوێنۍ. ئەرەیاۋېیا بە مەڵامەتو هرووژمەکاوە گەشمەرڎۍ و زامڎارۍ هەنۍ.
دماو هرووژمو فرۆکە بێ فرۆکەوانەکا گەل بەرەو بەنداوو تشرینی دەسش بە ڕاپیمای کەرد. زانیاری زیاتەر دەسنەکۆتەن.
بەنداوو تشرینی کە پەی هەرێمەکەی گرنگیی ژیۋایش هەن، زیاتەر جە مانگێوەن جە لایەنو دۆڵەتو ئەرەگیرو تورکی و چەتەکاشۆ بۆمبواران مکریۆ.
سەرسەعبو ئارۆی، بۆمبوارانۍ سەخت بۍ. باس چانەی مکریۆ، جە هەرێمەکەنە جەنگ بەردەواما. قەسەدە ئاگایش دا کە بەمەڵامەتوو بۆمبوارانیوە، ئەگەرش هەن جە هەر ساتێوەنە بۆ، بەنداوەکە تەقۆوە.
