ڕاپیمای پەی شەرمەزارکەردەی هەردووە کۆمکوژییەکەو پاریسی جە گار دو نۆردۆ بەرەو مېڎانوو کۆماری دەسشپنەکەرڎ. ڕاپیماکەی بە سەرمەشقایەتی تەژەکە-ئەی و کەجەدەکە-ئەی ئەنجام مڎریۆ و کوردەسانیا و دۆسەکێشا جە چڼین وڵاتا ئەورووپایۆ بەشدارۍ ڕاپیماکەی بیێنۍ.

جە ڕاپیماکەینە درووشمەکاو "گەشمەرڎۍ نمەمڕا"، "بژیۋۆ سەرۆک ئاپۆ"، "بکوژ ئاشکران، فەرەنسا چی بێدەنگا" بەرزۍ کریێوە و چنی ئانەیشایچ وێنەو گەشمەرڎا هەردوو ەکۆمکوژییەکەی بەرزۍ کریێوە.

جە ڕاپیماکەینە چڼین نوێنەرۍ پارت و ڕێکوزیاکا بەشدارێنۍ، وە چڼین پەڕلەمانتارۍ بە ئەرەیاۋنای و پەشتگیری ۋێشا پەی چالاکییەکەی بەربڕی.

هامسەرۆکو کەجەدەکە-ئەی ئەنگین سەڤەر وەڵۍ دەسپنەکەردەو ڕاپیماکەینە جە گاری دو نۆردەنە قسێش کەردۍ و ئاماژەش پانەی دا فەرەنسا جە هەردووە کۆمکوژییەکەی بێدەنگا، پۊکەی گەلوو کوردی ماوەو ١٢ ساڵان داواو ۋنەپەرسای جە کۆمکوژییەکا مکەرۆ.

بە نامۍ جەدەکە-فەرەنسای خانێ ئاکدۆغانە قسێش کەردۍ و واتش: "ئاشکران کۆمکوژییەکە کێن کەردەنش. ئێمە دەسبەردارۍ دۆزو دادپەروەری ۋێما نمەبیمۍ. تا مسۆگەرکەردەی ئازادی ڕابەر ئاپۆی و ستاتۆو ۋێما بەردەوامۍ بیمۍ.'

پەڕلەمانتار کارلۆس مارتینس واتش: "ئەوەکۊشای بەهێز بەردەواما. جە دژو ئی کۆمکوژییە ئەوەکۊشمۍ و وەرگیری جە مرۆڤایەتی مکەرمۍ. کورد جە دژو داعشی ئەوەکۊشای گۊرەش ڕاوەبەر کەرد. پەشگیری چا ئەوەکۊشایە مکەرمۍ. هرووژمەکۍ سەرو کوردی جە سووریانە یاگۍ قبوڵکەردەی نییەنە. مشۆم دژش مردمێوە."