"ڕاپیمای ئازادی"پاریسۆ تا ستراسبۆرگ بەردەواما
"ڕاپیمای ئازادی"ی ٢٥ کەسی پاریسۆ تا ستراسبۆرگ گەڕەکەو ڤیلیە لا بێلی پاریسینە ڕۆو ١٦ەمینە بەردەواما.
"ڕاپیمایی ئازادی" پەی ئازادیی جەسەیی ڕابەروو گەلوو کوردی عەبدوڵا ئۆجالانی گەڕەکەو ڤیلیە لا بێلوو پاریسینە ڕۆو ١٦ەمینە بەردەواما. چالاکێ واتشا، تا ئازادیی جەسەیی ڕابەروو گەلوو کوردی عەبدوڵا ئۆجالانی گرد هەرمانێوە سەروو شانەیشا کەرا و کۆشیا.
چالاکێ داوا جە کوردستانییا و دۆسەکاشا کەرد بەشدارێ با جە کۆبییەیوە ١٧ شوباتی کۆڵننە و ڕاپیمایەکەو سەوای گارگەس لەس گۆنسەسنە.
حەرپاسە دەربارەو گۆشەگیریی تندوو سەروو ڕابەروو گەلوو کوردی عەبدوڵا ئۆجالانی وەڵێکریێوەکێ سەروو کەساو دەوروبەریرە بەشێ کریێ.
چا ئەرەیاوناینە کە بە زوانی فەڕەنسی ونیاوە، ئاماژە پانەیە کریا کە دەوڵەتوو تورکی گەرەکشا ڕاو گۆشەگیری سەروو ڕابەروو گەلوو کوردی عەبدوڵا ئۆجالانیوە گەلوو کوردی جە دنیێ بڕۆرە، هەرپاسە ئەرەیاونیا بێدەنگیی سی پی تی ڕاوەشکەرا پەی هەرمانەکاو دەوڵەتوو تورکی، داوا وەنەو سی پی تی کریا هاگاش هەرمانەو وێش بۆ.
ڕاپیمای ئازادی، کە ٢٢ کانوونوو دووەموو ٢٠٢٤ وەردەموو یاگێ گەشمەردەکەردەی ساکینە جانسزێ و فیدان دۆگانێ و لەیلا شایلەمەزێنە دەسش پەنە کەرد، ١٥ ی شوباتینە وەردەموو بیناو سی پی تی ستراسبۆرگنە دماییش مێ.
ڕاپیمایەکەو ئارۆی بە ئرمانای شانۆیێوە دماییش مێ، سەوای مەیدانوو گارگەس لەس گۆنسەسینە سەرنیشتوو پاریسینە دەس پەنە کەرۆ.
